Wikipédia
Wikipédia (pangucapan: Wi·ki·pæ·di·a utawi Wi·ki·pi·di·a) punika proyèk ensiklopedia multibasa salebetipun jaringan ingkang bébas lan terbuka, ingkang dipunlampahaken déning Wikimedia Foundation, satunggiling organisasi nirlaba ingkang basisipun ing Amérikah Sarékat. Nami Wikipédia asalipun saking gabungan tembung wiki lan encyclopedia. Wikipédia dipunrilis nalika taun 2001 déning Jimmy Wales lan Larry Sanger,[5] lan sapunika minangka karya réferènsi paling ageng, rikat ngrembaka, lan populèr ing internet.[6][7] Proyèk Wikipédia gadhah don kanggé maringaken èlmu pangertosan manungsa[8] ugi ndamel bauwarna ingkang pepak piyambak ing sadaya basa ing saubengipun donya. Sedaya tiyang saged tumut nyumbang.
.png) Gambar layar portal multibasa Wikipédia. | |
Jinising situs | Ensiklopedia daring |
|---|---|
| Ana ing basa | 236 edisi aktif (total 253)[1] |
| Kantor gedhé | Miami, Florida |
| Kang duwé | Wikimedia Foundation |
| Digawé déning | Jimmy Wales, Larry Sanger[2] |
| Slogan(s) | The free encyclopedia that anyone can edit. |
| Situs jaringan | www.wikipedia.org |
| Urut Alexa |
|
| Dagang | Boten |
| Règistrasi | Opsional |
| Kababar | 15 Januari 2001 |
| Setatus saiki | Salebetipun prosès ingkang tansah lumampah teras (boten bakal rampung)[4] |
Tuwuhing artikel Besut
Wiwit resmi dipunluncuraken nalika tanggal 15 Januari 2001, Wikipédia basa Inggris sampun ngalami tuwuhing artikel ingkang ngéramaken. Tanggal 21 Januari 2003, gunggung artikel ingkang dipungadhahi sampun ngantos 100.000 artikel, lajeng nalika tanggal 01 Maret 2006, sampun gadhah 1.000.000 artikel. Angka punika tambah teras dados 2.000.000 artikel nalika tanggal 09 September 2007 lan nembus angka 3.000.000 artikel nalika tanggal 17 Agustus 2009.
Dumugi wulan September 2010, proyèk Wikipédia ingkang sampun gadhah gunggung artikel langkung saking 1.000.000 namung wonten 3 basa, inggih punika basa Inggris, basa Jerman ingkang sampun nembus angka punika nalika tanggal 27 Dhésèmber 2009 lan basa Prancis ingkang sampun nglampahi nalika tanggal 21 September 2010.
Éwadéné Wikipédia basa Indonésia, sepindhah gadhah artikel nalika tanggal 30 Mèi 2003. Angka punika dados 1.000 artikel nalika tanggal 16 Maret 2004, lajeng nembus angka 10.000 artikel nalika tanggal 31 Mèi 2005. Gunggung 100.000 artikel dipungayuh nalika tanggal 21 Fèbruari 2009. Nalika tanggal 9 Fèbruari 2011, Wikipédia basa Indonésia sampun gadhah langkung saking 153.000 artikel.
Sauntawis Wikipédia basa Jawi, artikel sepindhahipun kacathet tanggal 8 Maret 2004, nggayuh 1.000 artikel tanggal 7 Mèi 2005, lan 10.000 artikel tanggal 3 Mèi 2001. Nalika tanggal 12 Fèbruari 2011, Wikipédia basa Jawi sampun gadhah langkung saking 32.000 artikel.
Piranti atos Besut
Wikipédia dipunlampahaken kanthi nganggé piranti alus MediaWiki déning server-server kagunganipun Yayasan Wikimedia. Dumugi tanggal 13 Mèi 2006 Wikipédia lan proyèk-proyèk Wikimedia sanèsipun dipunlampahaken déning 175 server ingkang papanipun ing 4 lokasi ingkang bènten inggih punika ing Tampa-Florida-Amérikah Sarékat, Paris-Prancis, Amsterdam-Walandi, sarta ing lokasi Yahoo!.
Princèn server miturut lokasinipun inggih punika:
Saingan Wikipédia Besut
Parodi Wikipédia Besut
Cathetan suku Besut
- ↑ "Statistik". Wikipédia basa Inggris. Dibukak ing 2008-06-21.
- ↑ Jonathan Sidener. "Everyone's Encyclopedia". San Diego Union Tribune. Dibukak ing 2006-10-15.
- ↑ Masalah sitiran: Tenger
<ref>ora trep; ora ana tèks tumrap refs kanthi jenengAlexaStats - ↑ "Wikipédia:Wikipédia is a work in progress". Wikipédia. Dibukak ing 2008-07-03.
- ↑ Miliard, Mike (2008-03-01). "Wikipediots: Who are these devoted, even obsessive contributors to Wikipédia?". Salt Lake City Weekly. Diarsip saka sing asli ing 2008-04-16. Dibukak ing 2008-02-21.
- ↑ Tancer, Bill (2007-05-01). "Look Who's Using Wikipédia". TIME. Diarsip saka sing asli ing 2012-08-03. Dibukak ing 2007-12-01.
- ↑ Woodson, Alex (2007-07-08). "Wikipédia remains go-to site for online news". Reuters. Dibukak ing 2007-12-16.
- ↑ Wikipédia Founder Jimmy Wales Responds. Slashdot. 28 Juli 2004.