Alan Hogeland

Alan Hogeland, jeneng asli Kamaludin Rangkuti (lair ing Binjai, Sumatra Lor, 19 Oktober 1931; umur 93 taun), ya iku sawijining panulis Indonésia, kalebu salah siji panulis sastra eksil Indonesia.

Alan Hogeland
Pakarya	Penulis
Bangsa	Indonésia

Biografi

Dhèwèké ngrampungaké sarjana mudha ing babagan Basa Indonesia lan uga mèlu sinau ing Fakultas Hukum Universitas Sumatera Utara (USU). Nalika dadi mahasiswa ing USU, dhèwèké tau njabat minangka ketua senat ing Fakultas Hukum lan wakil ketua dewan mahasiswa. Alan uga dadi pangadeg Concentrasi Gerakan Mahasiswa Indonesia ing universitas kang padha lan dadi salah sawijining pimpinan Lekra ing Sumatra Lor. Tahun 1964 amarga anané undhangan pamaréntah Republik Rakyat Cina, dhèwèké mangkat ing Beijing dadi tenaga pamulang basa lan sastra Indonesia ing Universitas Beijing lan dadi konsultan basa Indonesia kang ngasilaké kamus Indonesia-Tionghoa.

Taun 1985, Alan ngalih menyang nagara Walanda. Karier kapenulisane lagi diwiwiti nalika dhèwèké manggon ana Walanda amarga anané kagiyatan panerbitan kang karan-sebut minangka pers alternatif tumrap kabèh wong kang urip minangka wong èksil. Kawit taun 1989 nganti tekan wafate taun 1994, Alan Hogeland wis ngasilaké puluh-puluhan karangan kang wujud sajak, carkak, kritik, lan esei sarta naskah drama. Kumpulan tulisané kang wis kababar ya iku Musibah, sawijining kumpulan carkak; Angin Menderu di Pucuk Bambu, sawijining kumpulan puisi; Sekedar Menjalankan Kewajiban lan Esei Sastra.