Alfred Cort Haddon
Alfred Cort Haddon ya iku ahli antropologi saka London, Karajan Manunggal, kalairan ing tanggal 24 Mèi 1855.[1][2][3] Alfred iki naté olèh pandhidhikan pawiyatan luhur saka University of Cambridge, olih gelar BA ing taun 1878[1][2]. Sabanjuré olih gelar Sc.D. ing taun 1897[2]. Panlitian lapangan antropologis kang linakoni ya iku ana ing kapuloan Aran (taun 1890 lan 1891) lan Selat Torres ing Papua Nugini ing taun 1888, 1898, lan 1914.[1] Karya-karya antropologis kang sinerat déning Alfred ya iku Reports of the Cambridge Anthropological Expedition to Torres Straits, ana enem volume (taun 1901-1935), The Races of Man and Their Distribution (taun 1924), lan Smoking and Tobacco Pipes in New Guinea (taun 1946).[1][3] Alfred iki kawentar banget amarga pisumbangané ing antropologi Inggris. Dhèwèké naté mimpin Cambridge Anthropological Expedition marang selat Torres, Papua Nugini ing taun 1898-1899 lan ngukuhaké antropologi minangka èlmu disiplin ana ing Inggris[1][3]. Alfred séda ing tanggal 20 April 1940 ing Cambridge, Karajan Manunggal.[1]
| Alfred Cort Haddon | |
|---|---|
 Alfred Cort Haddon | |
| Lair | 24 May 1855 London, Inggris, Karajan Manunggal |
| Pati | Cithakan:Death-date and age Cambridge, Cambridgeshire, England, UK |
| Bangsa | United Kingdom |
| Alma mater | Christ's College, Cambridge |
| Karièr ngèlmiah | |
| Babagan | Antropologi |
| Mrabawani | Thomas Henry Huxley |
| Kaprabawan | W. H. R. Rivers Caroline Furness Jayne |
Rujukan besut
- ↑ a b c d e f Amit, Vered (2004). Biographical dictionary of social and cultural anthropology. London: Routledge. kc. 307. ISBN 020364459X. OCLC 436848672.
- ↑ a b c Mullins, Steve. Australian Dictionary of Biography. Canberra: National Centre of Biography, Australian National University.
- ↑ a b c "Alfred Cort Haddon | British anthropologist". Encyclopedia Britannica (ing basa Inggris). Dibukak ing 2018-01-15.