Wikipédia

Alfred Kastler

Alfred Kastler (lair ing Guebwiller, Haut-Rhin, Prancis, 3 Mèi 1902 – pati ing Bandol, Var, Prancis, 7 Januari 1984 ing umur 81 taun) inggih punika fisikawan asal Prancis saking katurunan Jerman, nalika taun 1966 namanipun Alfred Kastler kaserat wonten ing Penghargaan Nobel babagan Fisika.[1]

Alfred Kastler
Alfred Kastler
Lair3 Mèi, 1902
France Guebwiller, Haut-Rhin, Prancis
Pati7 Januari, 1984
Bandol, Var, Prancis
KabangsanFrance Prancis
BabaganFisika
Notable awardsNobel babagan Fisika (1966)

Kastler punika nimba kawruh wonten ing Lycée Bartholdi, Colmar, Alsace, sasampunipun ngulawentah saking mriku penjenenganipun nglajengaken sekolah ing École Normale Supérieure Paris taun 1921.[2] Sasampunipun ngulawentah ngantos taun 1926, penjenenganipun ngasta fisika wonten ing Lycée Mulhouse, kaliyan Universitas Bordeaux, wonten Universitas Bordeaux mriku penjenenganipun dados profesor universitas ngantos taun 1941.[2] Nalika taun 1952, Georges Bruhat nyuwun supados Alfred wangsul dhumateng École Normale Supérieure, supados njabat dados profesor.[2]

Biografi

besut

Penjenenganipun miyos wonten ing Guebwiller, Alsace.[3] Kastler pindah dhateng Horbourg kaliyan bibipun (saking pihak ibu) supados saged sumingkir saking perang dunya.[3] Penjenenganipun nimba kawruh kaliyan Oberrealschule saking Colmar.[3] Nalika taun 1919 Kastler punika pindah saking ngèlmu fisika dhateng babagan pandhidhikan sastra (basa Prancis), nalika taun 1920 penjenenganipun angsal Abitur.[3]

Panjenenganipun ugi naté mlebet ing sekolah kelas matematika mirunggan satunggal taun laminipun, 1921-1926 panjenenganipun lulus École Normale Supérieure, sasampunipun lulus dipunlajengaken ngulawentah babagan ngèlmu fisika saking Henri Abraham kaliyan Eugene Bloch, guru-guru punika ingkang nepangaken ngèlmu fisika atom wonten ing Fakultas Ilmu saking Universitas Paris, panjenenganipun nyinau babagan ngèlmu fisika saking Charles Fabry, Aimé Cotton sarta Anatole Leduc nalika taun 1923, ing taun punika panjenenganipun ugi angsal idin ngèlmu fisika sarta ngèlmu matematika.[3] Nalika taun 1923 ngantos taun 1924 penjenenganipun ngaso saking studi amargi kesel sarta depresi.[3] Taun sasampunipun, panjenenganipun nyiapaken gelar sarjana dipunbimbing déning Georges Urbain.[3]

Nalika taun 1926 panjenenganipun dados profesor fisika ingkang kapisan wonten ing sekolah tinggi Mulhouse (1926-1927), Colmar (1927-1928) sarta Bordeaux (1928-1931).[4] Nalika taun 1931 panjenenganipun dados asistèn Pierre Daure wonten ing Université de Bordeaux, penjenenganipun mbimbing mahasiswa angsal sertifikat makarya praktek (PCN sarta PCB), taun 1936 penjenenganipun nyiapaken tesis kanggé dhoktor ngèlmu fisika wonten ing fakultas ngèlmu fisika Paris. [4]

Penjenenganipun dados pamenang Bebungah Nobel Fisika nalika taun 1966 amarga penemuan kaliyan pangembangan métodhe optik kanggé nyinaoni resonansi Hertz maring atom.[5]

Penjenenganipun naté dados pimpinan dewan Institut d'optique théorique et appliquée.[5]

Kastler ugi naté nyerat gurit (ngagem basa Jerman).[5] Nalika taun 1979 panjenenganipun nyetak gurit mau kanthi irah-irahan Europe, ma patrie: Deutsche Lieder eines französischen Europäers (Europe, my fatherland: German songs of a French European).[5]

Laboratoire Kastler-Brossel

besut
 
Kastler ca. 1967

Kauripanipun Profesor Kastler nalika panalitèn punika sok dipuntelasaken kanggé neliti wonten ing École Normale Supérieure, Paris wonten meriku penjenenganipun laksanakaken riset cilik spektroskopi sesarengan kaliyan mahasiswanipun, Jean Brossel sasampunipun yuda/perang.[6] Bebarengan kaliyan Jean Brossel, penjenenganipun neliti mekanika kuantum, interaksi wataranipun cahya kaliyan atom, sarta spektroskopi.[6] Kastler, nyambut damel wonten ing resonansi optik kaliyan resonansi magnetik, ngembangken tèhnik "pompa optik".[6] Karya-karyanipun saged njangkepi téyori laser kaliyan maser.[6]

Sekawan dasa taun sasampunipun, kelompok punika sampun ngulawentah fisikawan eném ingkang saged maringi mampangat dhumateng parkembangan dunya ngèlmu fisika atom wonten ing Prancis.[6] Laboratoire de Spectroscopie hertzienne lajeng dipun-gantos namanipun dados Laboratoire Kastler-Brossel nalika taun 1994 ugi angsal pérangan wonten ing laboratorium Université Pierre-et-Marie-Curie sarta angsal École Normale Supérieure, sapunika dados laboratorium mliginipun.

Professor Kastler tilar dunya nalika surya kaping 7 January 1984, wonten ing Bandol, Prancis.[7]

Alfred Kastler ugi dados humanis, ingkang remen kaliyan tata-tentrem sarta nentang senjata nuklir. Salaminipun perang wonten ing Aljazair, panjenenganipun protes amargi métodhe saking Comité de salut public d'Alger nalika taun 1958, apartemenipun dibakar déning OAS nalika taun 1961[8], salaminipun présidhèn Liga Prancis Hewan, Manusia, sapunika karan "La fondation droit animal, éthique et sciences", dipunsebut ugi Prix de biologie Alfred Kastler (atribut penghargaan biologi Alfred Kastler) kanggé bebungah alternatif wonten ing babagan eksperimen hewan[9]. Georges Chapouthier nalika taun 1981, panjenenganipun kaliyan [[Michael Damian]] sarta Jean-Claude Nouet, nyerat babagan pembantaian gedhé-gedean, survei kritis saking pertanian intensif. Penyair, panjenenganipun saestunipun panulis gurit basa Jerman kanthi irah-irahan « Europe ma patrie-Deutsche Lieder eines französischen Europäers » dipuncetak déning Librairie Flinker Martin, Paris.

Cathetan suku

besut
  1. ↑ Cithakan:Lien web Nobel
  2. ↑ a b c Kastler A (1967). "Optical Methods for Studying Hertzian Resonances". Science. 158 (3798): 214–221. Bibcode:1967Sci...158..214K. doi:10.1126/science.158.3798.214. PMID 17839496.
  3. ↑ a b c d e f g http://www.fnak.fr/dn_Biographie/
  4. ↑ a b Alfred Kastler Recherches sur la fluorescence visible de la vapeur de mercure (thèse)
  5. ↑ a b c d Nobelstiftelsen (1972). Nobel Lectures, Physics 1963–1970. Amsterdam: Elsevier Publishing Company. ISBN 0-444-40993-9.
  6. ↑ a b c d e Kastler A (1950). "Applications of polarimetry to infra-red and micro-wave spectroscopy". Nature. 166 (4211): 113. Bibcode:1950Natur.166..113K. doi:10.1038/166113a0. PMID 15439165.
  7. ↑ Sullivan, Walter (8 Januari 1984). "Dr. Alfred Kastler, 81, Nobel Prize-Winner, Dies". New York Times. Dibukak ing 2010-11-06.
  8. ↑ Histoire des sciences, Alfred Kastler: des atomes et des hommes, 392, Pour la Science (juin 2010), 86-89
  9. ↑ Georges Chapouthier, Le prix Kastler de Biologie, Combat Nature, 1993, N° 103, p 49

Ugi pirsani

besut

Pranala njawi

besut
Wikimedia Commons duwé médhia ngenani Alfred Kastler.


Dijupuk saka "https://jv.wikipedia.org/w/index.php?title=Alfred_Kastler&oldid=1615250"