Alun-alun Kutha Kadhiri
Alun-alun Kutha Kediri ana ing sabrange Masjid Agung Kutha Kediri lan ing sisih kidule ana Dhoho Plaza kang biyene rupa lapangan tenis lapangan. Sisih lor ana sentra PKL (Pedagang Kaki Lima), hasil relokasi. Sampek taun 2000-an awal, pedagang iki kasebar ana ing saubengane lan jeroné alun-alun. Banjur amergo ana relokasi kang difasilitasi pemerintah kutha mangka para pedagang iki pindah ing lore alun-alun. Dodolane ya iku bakso, rujak buah, krupuk pok, es dawet, lan liya-liyané. Patung Mayor Bismo ngadek kanthi gagah ana ing tengah alun-alun. Akèh masarakat kang mara ing pangonan iki, mligi nalika wengi. Ambane alun-alun iki ya iku 10.200 m2. Banjur sautara 1 km sangka panggonan iki, arah mengalor banjur mengulon, ana pusat olèh-olèh Kutha Kediri ya iku ing dalan Yos Sudarso. Ana kang dodol tahu kuning lan putih khas Kediri, krupuk wedhi, kripik bekicot, stik tahu, lan liya-liyané. Rencanane Dinas Kebersihan lan Pertamanan (DKP) Kutha Kediri arepe nglakoni revitalisasi alun-alun taun 2016 iki supaya ketara luwih apik kaya taman, amarga saiki masih ketara rupa kebon. Anggaran uga wus ditentokne ing APBD 2016 kabehe Rp 7,4 miliar.