Amy Atmanto
Amy Atmanto (lair ing Jakarta, 19 Agustus 1973; umur 51 taun) ya iku perancang busana, putri saka pasangan Prof. Dr. Ayip Sani Ibrahim lan Aimy Aim Sani. Dhèwèké sinau babagan njait wiwit SMP saka ibuné, kang pagawéyané dadi penjait.[1] Sawisé lulus SMA, dhèwèké njupuk kuliah ing jurusan Komunikasi University of Technology Sydney sisan sinau ing jurusan Hukum Internasional kang ora nganti rampung dilakoni, sanajan dhèwèké olèh pangaji cum laude kanggo jurusan komunikasi.[1] Ing wektu lodhangé, Amy sinau fesyen ing sawijining institut ing Sydney.[1]
Sabaliné menyang Indonésia, Amy tau dadi réporter ing stasiun tivi swasta.[1] Nanging akiré dhèwèké ninggal pagawéyané ing babagan jurnalistik lan lumebu ing Multivision Plus kanggo dadi PR Manager.[1]
Nalika mutusaké kanggo nyambut gawé ing donya rancang busana, Amy miwiti modhal kang sithik lan saanané.[1] Malah ing pangudiné, ora dimodhali karo mesin jait.[1] Pola klambi kang digawé déning dhèwèké digawa menyang penjait langganané kang mengkoné digawa menyang tukang payèt.[1] Saiki, Amy kondhang karo rumah kebaya couture-é, Royal Sulam, lan gaun muslim kang gayané meditérania, Royal Kaftan, sarta modhèl anyar-anyaran kang isih dilansir labèl busana muslim karo konsèp ritèl, Marocco.[1]
Ing taun 2011, dhèwèké uga dadi disainer kang ngurusi busana pangantèné Intan Nuraini, diréwangi karo para randha ora mampu saka pengajian Nurul Mu'minin Cipayung.[2] Ing acara kang wigati iku, Amy gawé disain kang apik, amarga pengantèn sakloron ora saka budaya kang padha, sing lanang (Doni Azwan) saka Padang lan wadoné saka Betawi.[2]
Amy urip bebrayanan karo Indar Atmanto ing taun 1995 lan wis momong anak loro, ya iku Adam Rikhan Darmanto lan Fais Rafi Darmanto.[1]
Cathetan sikil
besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |