Ang Lee

Ang Lee (Tionghoa: 李安; Pinyin: Lǐ Ān) (lair ing Pingtung, 23 Oktober 1954; umur 70 taun) minangka sutradara filem kang asalé saka Taiwan, Ang Lee iku sutradara Taiwan kang urip ing Amérikah Sarékat, dhèwèké tau nggarap filem kang judhulé 'LUST, CAUTION'. Film mau ning taun 2007 pkantuk pitu panghargaan ing acara pahargyan Golden Horse ning Taipei. Amarga kamenangan mau, Ang Lee bisa dadi pamenang gedhé dhéwé ning kompetisi filem gedhé dhéwé ning dunya kanggo filem-filem kang basané China.

Lǐ Ān 李安, Sutradara saka Taiwan

Film garapan sutradara Ang Lee, kang caritané babagan pangudiné mahasiswa patriotik kanggo matèni telik sandhi Jepang nalika invasi Jepang ning China taun 1930-an, diunggulaké kanggo ngrebut 11 saka 22 panghargaan ning Festival Film Golden Horse Kaping-44 mau. Dhèwèké menangaké nominasi saka 94 filem basa Cina saka nagara liyané saingan kanggo ngerebutaké 22 panghargaan ning ajang Golden Horse kang ditindakaké kaya gaya Academy Awards utawa Oscar ning Amérikah Sarékat, lan juriné sistemé isih kaya ta nalika Festival Film Cannes. Film iki anggawe wangi jeneng Ang Lee, dhèwèké olih panghargaan Sutradara paling apik, carita filem paling apik, Aktor paling apik (Tony Leung), Artis anyar paling apik (Tang Wei), Rancangan Kostum lan Make-up paling apik, Skenario Adaptasi paling apik lan Musik Film Asli paling apik, Ang Lee uga kapilih dadi Pekerja Film Taiwan paling apik.

Dhèwèké uga tau menangaké Oscar amarga filem arahané kang judhulé BROKEBACK MOUNTAIN. Ning taun 2006, Dhèwèké anggawe filem thriller mata-mata nganggo basa China. Film garapané mau, settingé perang dunya kaping II ning Shanghai, dibantu karo perusahaan filem Focus Features.

Sutradara kang kondhang amarga nggarap filem kang basané Cina iki uga nggarap filem kang judhulé THE HULK lan BROKEBACK MOUNTAIN. Ning filem mau, dhèwèké reunian karo anggota ning filem CROUCHING TIGER, HIDDEN DRAGON kang dirilis nalika taun 2000.

Wang Hui-ling kang nyerat naskah CROUCHING TIGER, nyerat manèh naskah kanggo filem adhaptasi saka kisah tenar almarhum novelis Cina Eileen Cnang.

Filmografi

• Taking Woodstock (胡士托風波) (2009)
• Lust, Caution (色，戒) (2007)
• Brokeback Mountain (2005)
• Hulk (2003)
• Crouching Tiger, Hidden Dragon (臥虎藏龍) (2000)
• Ride with the Devil (1999)
• The Ice Storm (1997)
• Sense and Sensibility (1995)
• Eat Drink Man Woman (飲食男女) (1994)
• The Wedding Banquet (喜宴) (1993)
• Pushing Hands (推手) (1992)
• Fine Line (1984)
• Shades of the lake (1982)
• I Love Chinese Food (1981)
• Beat the Artist (1981)
• The Runner (1980)
• Laziness in a Saturday Afternoon (星期六下午的懶散)