Anom Suroto

Ki Anom Suroto (lair: Juwiring, Klathèn taun 1948) iku dhalang wayang kulit saka Jawa Tengah. Anom Suroto wis sinau ndhalang wiwit umur 6 taun saka bapaké dhéwé ya iku Ki Sadiyun Harjadarsana. Saliyané iku uga sinau saka sawatara dhalang senior liyané. Naté mèlu kursus padhalangan sing dianakaké déning Himpunan Budaya Surakarta, sinau ora langsung saka Pasinaon Dalang Mangkunegaran lan uga Habiranda, Yogyakarta. Taun 1968, Anom Suroto wis tampil ing RRI sawisé ngliwati selèksi sing ketat. Taun 1978 diangkat miangka Panèwu Anon-anon kanthi peparab Mas Ngabehi Lebdocarito lan taun 1995 nampa Satya Lencana Kabudayan.

Ki Anom Suroto
Lair	1948 Klathèn, Jawa Tengah, Indonésia
Pakaryan	Dhalang

Pranala njaba

• Salah siji pranala sing ngamot carita wayang déning Ki Anom Suroto Archived 2010-08-08 at the Wayback Machine.