Aqsa Sutan Aswar

Aqsa Sutan Aswar ya iku atlet jètski saka Indonesia. Aqsa miwiti mèlu ing pasang giri internasional Asian Beach Games 2010. Nanging, gélar juara donya kapisan dicekel pas dhèwèké mèlu Kejuaraan Canadian Watércross Nationals ing Belle River, Ontario, Kanada, ing 2011. Wektu iku, Aqsa isih umur 14 tahun lan dadi juara paling enom ing nomér èxpert runabout limited mawa biji sampurna. Saka telung pasang giri, dhèwèké mesti finis ing posisi kapisan. Aqsa bisa ngrébut émas sawisè bisa nglakuaké jètski sasuwéné 35 menit.

Aqsa Sutan Aswar
Lair	(1997-05-31) Mèi 31, 1997 Jakarta, Indonesia
Bangsa	Indonesia
Pakaryan	Atlet
Dhuwur	169 cm (5 ft 7 in)
Wong tuwa	Saiful Sutan Aswar

Aqsa sing lagi umur 21 tahun iku ora mung nduwèni prèstasi ing manca, ananging digdaya ing omahé déwé. Lakuné pakaryan pancèn luwih akèh ing manca. Amarga olahraga jètski kurang kondhang ing Indonesia saéngga sathitik anané pasang giri. Prèstasi Aqsa saya apik. Dhèwèké ajeg nyithak préstasi ing manéka pasang giri lan lèvél. Mangkana, ana siji sing durung dhèwèké rasakaké: tandhing lèvel intérnasional dadi tuan rumah. Pungkasané kekarepan iku bisa kawujud nalika Indonesia dadi tuan rumah Asian Games 2018. Komitè Olimpiadé Asia (OCA) mujudaké usulan kanggo nandingaké jètski. Aqsa banjur nduwèni kekarepan bisa nyithak sejarah ing wektu kapisan cabang sing wis digeluti wiwit cilik ing pasang giri olahraga paling gedhé se-Asia iku. Nanging mujudaké kekarepan iku ora perkara gampang. Olahraga iku ora mung butuhaké kaprigelan atlèt mungsuh angin lan ombak nalika nunggang jètski. Kadigdayan ing cabang iku ya olèh aruhan saka kualitas mesin jètski.

Sasuwéné Asian Games 2018, tim Indonésia kerep kena perkara tèknis ana ing mesin jètski. Aqsa sing mèlu telu saka patang nomer ora bisa menang ing nomer ski modified amarga jètski ora bisa di gunakaké. Ana ing nomer runabout limited, dhèwèké kudu ikhlas nampa perunggu amarga jètski abang putih lambang garuda ana ing sangarepé mati ing rong puteran laga pungkasan. Anak ragil saka loro sadulur iku sedhih. Dhèwèké ora bisa ndhelikaké mata bengep sisa tangisé amarga kalah sing nyesekaké iku. Endurance runabout open dadi siji-sijiné nomer sing isih bisa diperjuangaké déning Aqsa. Dhèwèké tarung entèk-entèkan kanggo tetep ana ing rèli dawa ing laut kang ombake sadhuwur rong mèter, karo angin banter lan srengéngé sing panas. “Aku seneng banget bisa dadi juara sauwisé kalah ing nomer liané” gunemé Aqsa sauwisé laga. Mripat abang sarta kulité sing ireng kobongan amarga srengéngé nuduhaké sisa-sisa perjuangan aboté. Nanging, Aqsa tetep Aqsa sing kebak karo gejolak enomé. Kemulan gendèra Abang Putih, dhèwèké jogèt-jogèt ngrungokakè musik kang diputer nalika ngentèni pengalungan medali ing podium juara.

Laut iku omah

Dèrètan prèstasi kang diduwèni Aqsa amarga kasilé latian lan cedhaké dhèwèké marang laut luwih saka 15 tahun. Saiful “Fully” Sutan Aswar, minangka bapaké nyritakaké, dhèwèké muruki Aqsa lan Aero supaya tresna marang laut wiwit isih cilik. Miturut dhèwèké, potènsi negara kang daérahé akèh laut kudu di optimalaké, salah sawijining mawa olahraga. Begja, niat iku sedalan karo kekarepané loro anaké. Aqsa lan Aero ora pernah jelèh diajak latian jètski ing Teluk Jakarta, Ancol, sabendina sabubaré sekolah. Miturut Fully, Teluk Jakarta sing ombaké dhuwur, banter anginé, lan srengéngé sing panas iku panggonan paling apik kanggo latian jètski. Kabèh uwong sing latian ing kana nduwèni potènsi kanggo dadi juara donya, amarga wis bisa naklukaké tantangan abot.

Saliyané papan kanggo sinau, laut uga dadi papan kanggo bentuk karakter lan bangun kadiwasan. Kakang adi sing umure kacèk 2,5 tahun iku padha ngèlingaké menawa ana salah ing wayah latian. Aero kandha, dhèwèké luwih dhisik kenal jètski kerep mulangaké marang adhiné babagan tèknis pemesinan. Kerep, dhèwèké dadi uwong sing nglerem Aqsa wayah kena alangan. “Dhèwèké isih cilik saengga kerep ora bisa ngampet muring. Ananging sasuwéné Asian Games, émosiné kena dijaga. Ana panemu kang apik saka turnamèn iki,” kandhané Aero. Miturut Aqsa laut ora mung papan kanggo latian ananging titian urip. Dhèwèké luwih akèh ana ing kana tinimbang barengan kanca sepantaran. Wayah latiané mesthi kebak, ya iku wiwit wayah 09.00-17.00 sabendinané. Ana ing laut uga dhèwèké olèh manéka tatu awak, sing paling nemen ya iku cedera dengkul lan geger amarga keterak jètski. “Kanggoku laut iku omah” ujaré.

Ngimpi gedhé

Katresnané karo jètski ora mung amarga bapaké, nanging amarga kedadèyan sing ora bakal dilaliaké. Miturut Aqsa, dhèwèké keranjingan dadi juara wiwit menang ing kejuaraaan nasional nalika umur enem tahun.

“Wektu iku rasané seneng banget, olèh piala, dadi kepengin terus lan terus.” Kandané.

Laku pagaweyané dadi atlet jètski isih dawa. Aqsa isih bakal terus latian kanggo mèlu pasang giri donya.

Ing sisih prèstasi, tritunggal Sutan Aswar iya ngimpi jètski bisa dadi cabang kondhang ing Indonesia. Fully ngerti, cabang iki ora akèh disenengi amarga butuhaké ragat gedhé kanggo tuku kendaraan lan bènsin. Dhèwèké kerep ngirim anak-anaké kanggo latian ing Amèrika kanggo anggaran jètski luwih murah.

Kanggo iku, dhèwèké usaha supaya cabang iku bisa ana ing Asian Games. Saiki, dhèwèké wis bangun akademi jèski ing Pantai Ancol. “Akademi iki ora mung kanggo perlu Asian Games, ananging kanggo wektu ngarepé jètski Indonesia. Iki kaya warisan,” kandané Fully.

Ngimpi iku saiki ya dadi ngimpiné Aqsa. Dhèwèké saguh bakal ngembangaké jètski supaya luwih akèh uwong kang nyenengi. “Aku kepengin banget bisa budhal balapan bareng-bareng saka Indonesia menyang mancanegara. Ora kaya saiki, namung aku karo kakangku sing menyang ngendi-ngendi,” ujaré Aqsa.