Arthur Ashkin

ilmuwan Amérika Sarékat

Arthur Ashkin ya iku élmuwan saka Amèrika kang lair ana ing New York 2 Sèptèmber 1922. Ashkin saiki umuré 96 taun. Ashkin dadi salah sijiné élmuwan kang menang bebungah Nobèl Fisika 2018. Dhèwèké minangka élmuwan kang nampa bebungah nobèl paling tuwa. Dhèwèké menang amarga nggawé patemon arupa pinsèt optik. Pinsèt optik iku mau nggunakaké sinar laser banjur bisa mindhahaké sawijining baktèri urip saka sawijining papan tumuju papan liyané, tanpa nyidrani baktèri kasebut. Pinsèt optik kuwi mau saiki digunakaké ana ing sajroning laboratorium kanggo nliti sistem lan mesin biologi.[1]

Lakuning Urip besut

Ashkin mbacutaké wiyatane menyang Universitas Columbia, New York. Ing kono dhèwèke nyambut gawé dadi teknisi sing nggawéni magnétron kanggo perangkate radar militer Amèrika Serikat. Ing taun kapindho nyambut gawé nèng kono, dhèwèke dimèlokaké lumebu menyang Perang Dunia 2. Ndhuwurané sing jenenge Sid Millman njaluk supaya Ashkin dadi cadhangan tamtama, supaya Ashkin bisa nyambut gawé nèng laboratorium terus nalikané rampung perang.[2]

Sawise rampung peperangan kuwi mau, sedulur lanangé Ashkin njaluk supaya dhèwèke teka menyang Cornell. Sedulur lanangé Ashkin iku mau pawongan sing wasis ana bab fisika nuklir lan tau nggarap Proyek Manhattan karo Richard Feynman lanHans Bethe. Ashkin banjur lunga menyang Cornell saprelu nemoni seduluré. Ashkin sinau bab fisika nuklir uga, ananging ora mèlu lumebu ana bab kuwi amarga seduluré kuwi mau wis kondhang ana bab nuklir.

Ashkin olèh undhangan saka Millman, ndhuwurané nalika ana Perang Dunia 2 sing pindhah menyang Laboratorium Bèll, saprelu dikongkon supaya nyambut gawé ana ing Laboratorium Bèll ya iku laboratorium ing Murray Hill, New Jersey. Laboratorium Bèll ya iku laboratorium gedhé sing dadi bèntèngé panelitèn sains amarga dadi seksiné maser digawé. Ing taun 1952 Ashkin wiwit nyambut gawé ana ing Laboratorium Bèll ing Murray Hill, New Jersey. Dhèwèké nyinaoni bab gelombang mikro. Banjur ing tain 1961 dhèwèke pindhah nyinaoni bab laser lan wiwit nyambut gawé ana ing bab osilator paramètrik lan samubarang non-linéar serat optik.

Nèng Holmdél taun 1967 Ashkin nduwé patemon menawa dhèwèké bisa nyurung bal lantèks cilik (ukuran mikron) léwat banyu nggunakaké sinar laser. Dhèwèké uga nduwé patemon menawa bal sing ditarik saka pinggir balok menyang satengahing balok nggunakaké perangkap. Ashkin banjur fokus marang sinar kapindho sing ana nèng bal saka sisi sing béda. Kaloroné balok nahan bal supaya anteng ana papané, mujudaké perangkat optik sing kapisan. Ashkin mbabaraké asilé ana ing Physical Review Letters ing taun 1970.

Ing taun 1975, Theodor Hänsch lan Arthur Schawlow ménéhi kawruh marang Arthur menawa atom bisa diadhemaké nggunakaké èfèk Doppler kang misuwur. Kawruh kuwi mau uga digunakaké kanggo radar polisi, nggolèki badai, lan nemtokaké objèk sing adoh saka alam. Tèknik iku mau dijenengi "molase optik". Saka kawruh iku mau Ashkin, kancané sing jenengé Steve Chu, lan kanca-kanca liyané wiwit padha nliti babagan ngadhemake atom. Dhèwèké wiwit nliti ing taun 1984. Ashkin lan kanca-kancané mbabar asilé ana ing artikel ing Physical Review Letters ing taun 1986.

Sawisé iku Ashkin fokus ana ing babagan pinsèt optik sing digawé, saka gunané kanggo mindhahaké sawijining baktèri urip saka sawijining papan tumuju papan liyané, tanpa nyidrani baktèri kasebut, Saliyané bakteri uga ana virus mosaik tembakau, sel darah merah, lan algea. Dhèwèké mbacutaké nliti struktur sèl internal nggunakaké pinseté kanggo manipulasi sitoplasma lan organèl sèl ing njeroné apa sing dhèwèké sebut "suatu bentuk operasi sel internal."

Wiyata besut

  1. Taun 1947, Ashkin lulus lan dadi sarjana Fisika saka Columbia University, New York.
  2. Taun 1952, Ashkin lulus saka Cornell University kanthi nyandhang doktor bab Fisika Nuklir.

Pakaryan besut

Sawisé lulus saka wiyatané, Ashkin banjur mbacutaké makarya ana ing Laboratorium Bèll. Kapisan dhèwèké melu Laboratorium Bèll sing ana ing Murray Hill, New Jersey. Banjur sabacuté dhèwèké menyang Laboratorium Bèll sing ana ing Holmdèl, New Jersey. Dhèwèké pensiun saka pagawéyane ing taun 1992.

Bebungah besut

  1. Bebungah sing ditampa Ashkin ya iku arupa Nobèl Fisika 2018
  2. Ing taun 2009 dhèwèké olèh kurmatan kanggo keanggotaan Perhimpunan Optik

Karya besut

Buku sing judhulé Perangkap Optik lan Manipulasi Partikel Nétral Menggunakan Laser.

Rujukan besut

  1. Wahyudi, M Zaid (2018-10-04). "Arthur Ashkin, Gérard Mourou and Donna Strickland; Light that Makes People's Lives Easier". Kompas. Dibukak ing 2019-05-15.
  2. "Arthur Ashkin". Laser Fest. Diarsip saka sing asli ing 2019-05-02.