'''Segara''' ([[basa krama|krama]] Seganten) punika kempalan [[toya]] [[asin]] lan kahubungaken kaliyan [[samodra]], utawi [[tlaga]] ageng ingkang padatanipun ngandhut toya asin, kirang anggadhahi saluran alam kadosdéné [[Seganten Kaspia]] lan [[Laut Mati]]. Istilah seganten asring dipun ginakaken minangka sinonim kaliyan samodra. Tlaga ageng, kadosta [[Great Lakes]], kadhangkawis dipun wastani seganten dharat. Kathah seganten ingkang klebet kategori ''marginal sea'', inggih punika seganten ingkang [[Ocean current|arus]] kasebabaken déning angin; déné jinis sanèsipun kados [[Segara Tengah|seganten mediterranean]], ingkang arusipun kasebabaken déning béda salinitas lan suhunipun toya.
Organisasi Hidrografi Internasional (IHO) minangka organisasi internasional ingkang nggadhahi kakuwasaan bab ndèfinisèkaken seganten. Définisi ing wekdal punika kasebat wonten ing satunggiling dokumèn ''Special publication S-23'', ''[http://www.iho.shom.fr/PUBLICATIONS/download.htm Limits of Oceans and Seas]'', 3rd edition, [[1953]].
== Sajarah ==
Seganten, miturut sajarahipun, kawangun 4,4 milyar taun kapengker, wiwitanipun asifat asem sanget, kanthi toya ingkang umob (watawis 100 °C) amargi panasipun [[Bumi]] wekdal semanten. Asemipun toya seganten amargi wekdal punika [[atmosfer]] [[Bumi]] dipun kebaki déning [[karbon dioksida]]. Kaaseman toya punika ingkang nyebabaken inggilipun panggapukan ingkang ngasilaken uyah ingkang andadosaken toya seganten asin kados ing wekdal sapunika. Wekdal semanten, gelombang tsunami asring kadadosan amargi asringipun astéroid nabrak Bumi. Pasang surut seganten ing wekdal punika ugi bertipe [[mamut]] utawi inggil sanget amargi jarak Bulan ingkang caket sanget sareng Bumi.
