Kopi: Béda antara owahan

'''Kopi''' iku ombenan sing digawé saka [[wiji]] kopi sing [[diobong]] utawa [[digorèng]]. Biyasané wijiné iki saka tanduran ''coffea arabica'' utawa ''coffea canephora (robusta)''. Kopi sing asalé saka [[Jawa]] uga misuwur banget saindenging jagat. Kopi arupa sumber utama [[kafein]].

Saiki kopi dadi komodhitas angka loro sing paling akèh didagangaké sawisé [[lenga bumi]]. Total 6,7 yuta ton kopi diprodhuksi watara taun 1998-2000 waé. Diprakirakaké ing taun 2010, Prodhuksi kopi ing donya bakal tekan 7 yuta ton per taun ( saka [http://www.fao.org/docrep/006/y5143e/y5143e0v.htm FAO] ).

Saka donya [[Muslim]], kopi nyebar dhateng [[Eropah]], lan ombenan iki dadi populèr sakwéné [[abad kaping 17]]. Wong [[Walanda]] sing sepisanan ngimpor kopi kanthi skala gedhé dhateng [[Eropah]], lan ing sawijining wektu nylundhupaké wijiné ing taun [[1690]], amarga tandhuran utawa wiji mentahé ora diidinaké metu kawasan [[Arab]]. Iki banjur diterusaké kanthi pananduran kopi ing [[Jawa]] déning wong Walanda.

Nalika kopi tekan kawasan koloni [[Amérikah]], kawitané ora kasil kaya ing [[Eropah]], amarga dianggep kurang bisa nggantèkaké [[alkohol]]. Nanging, sakwisé [[Perang Révolusi]], panyuwunan marang kopi ningkat cukup dhuwur, nganti para panyalur kudu mbukak parsedyan cadhangan lan ngundhakaké regané sacara dramatis; sebagéyan perkara iki amarga didhasari déning mudhuné pasedyan [[tèh]] déning para pedhagang [[Inggris]]. Minat wong [[Amérika]] marang kopi tuwuh ing wiwitan [[abad kaping 19]], nyusul dumadiné perang ing taun [[1812]], ing ngendi aksès impor tèh kapedhot sauntara, lan uga amarga ningkaté tèknologi panggawéan minuman, mila posisi kopi minangka komodhitas saben dina ing Amérikah saya kuwat.

:Kopi arabika iku jinis kopi tradisional kang duweni citarasa paling apik.<ref name=arro>[http://www.talkaboutcoffee.com/coffee_beans.html Coffee Beans – Varieties Of Coffee: Arabica and Robusta.] 2010.</ref> Kopi jinis iki asale saka [[Etiopia]] lan saiki wis dibudidayakake ing pirang-pirang panggonan ing donya iki, wiwit saka [[Amerika Latin]], [[Afrika]] Tengah, [[Afrika Timur]], [[India]], lan [[Indonesia]].<ref name=arro2/> Kanthi cara umum, kopi iki thukul ing panggonan kang nduweni [[iklim]] [[tropis]] utawa [[subtropis]].<ref name=arro2/> Kopi arabika uripe ing panggonan kang dhuwure 600-2000 m sadhuwuring laut. Tanduran iki bisa thukul nganti tekan 3 meter yen kahanan lingkungane apik. Suhu thukul optimale yaiku 18-26 ^oC. Wiji kopi kang diasilake ukurane cukup cilik lan awarna ijo nganti tekan abang semu ireng utawa abang tuwa.<ref name=arro2>[http://www.ringsurf.com/online/2069-coffee_plants.html. Coffee Plants.] 2009.</ref>