Papan Anggegana Depati Amir

Papan anggegana in Indonésia

Papan Anggegana Depati Amir inggih punika papan anggegana ingkang dumunung ing Kutha Pangkal Pinang Provinsi Kapuloan Bangka Belitung. Papan Anggegana punika dipunkelola déning PT. Angkasa Pura II wiwit wulan Januari 2007. Wiwitanipun gadhah nama Pelabuhan Udara Pangkalpinang ingkang dipunyasa wiwit penjajahan Jepang taun 1942 minangka pertahanan saking serangan bala sekuthu. Kanthi surat Sekjen Dephub No. 378/TLK/DEPHUB/VIII/85 tanggal 22 Agustus 1985 nama Pelabuhan Udara dipunéwahi dados Papan Anggegana. Adedasar Surat Dudutan Mantri Perhubungan No. SK.1/AU.106/PHB-99 tanggal 25 Agustus 1999, Papan Anggegana Pangkalpinang dipunéwahi namanipun dados Papan Anggegana Depati Amir Bangka, ingkang minangka UPT saking Instansi Vertikal Direktorat Jenderal Perhubungan Udara, Kementerian Perhubungan.[1]

Papan Anggegana Depati Amir

Wiwit 1 Januari 2007, Papan Anggegana punika dipunpasrahaken pengelolaanipun dhateng sawijining BUMN ingkang membidangi pengelolaan sapérangan papan anggegana ing wewengkon kilén Indonesia, inggih punika PT. Angkasa Pura II (Persero).

Papan Anggegana punika sampun wola-wali ngalami éwah-éwahaning fisik, saking wewengkon Terminal panumpang, fasilitas Landasan pacu, apron, punapa déné ruang udara. Terminal panumpang terus ngalami "perluasan". Landasan pacu, ingkang wiwitanipun wujud hamparan suket, lajeng lemah atos utawi asring dipunsebut minangka runway strip. Kanthi tambahipun kapasitas lan ukuran pesawat ingkang samsaya ageng, landasan pacu punkembangaken kanthi konstruksi aspal.

Nalika taun 1978, landasan mau dipunpindah geser ing sisih kilèn antawis 75 mèter, kanthi dawa 1200m. Lajeng kanthi bertahap dipuntambahi dawanipun 1600 m, 1800m, 2000m (sapunika)[2], 2250m (sampun prosès), lan salajengipun taun 2010 badhé ini dipuntambahi malih dumugi 2500m. Wonten ing sajarah perpanjangan landasan pacu punika, naté ugi medhot sawijining margi ageng, saéngga ing wuri margi ageng punika dipunalihaken ing arah jalur ingkang langkung trep. Dumugi sapunika runway papan anggegana punika sampun saged dipundarati déning pesawat type Boeing 737-800/900 & Airbus A320, déné wonten ing kapasitas ingkang winates.

Papan parkir pesawat (apron) ugi naté wola-wali ngalami overlay ("penebalan aspalt"). Dumugi sapunika apron papan anggegana punika sampun saged nampung 5 pesawat kanthi ukuran ingkang ageng, kados ta type Boeing 737-800/900 & Airbus A320.

Kangge ruang udara ingkang dipunkendalikaken déning unit Pelayanan Lalu Lintas Udara Papan Anggegana Depati Amir ing wiwitanipun namung nglayani winates sakitar papan anggegana dumugi "ketinggian" 2500 kaki. Wonten ing taun 1992, bates wewengkon tumuwuh, kanthi bates horizontal dumugi 30 Nm, lan bates vertikal 15.000 kaki. Nalika taun 2008 sasampunipun dipunkelola déning PT. Angkasa Pura II, bates horizontal dipuntambahi malih dumugi jarak variatif 80 Nm, déné bates vertikal dumugi 24.500 kaki.[3]

Punika minangka maskapé ingkang nglayani penerbangan saking kutha krajan Jakarta dhateng Pangkalpinang, inggih punika Sriwijaya Air, Garuda Indonesia, Batavia Air, Lion Air, Sky Aviation, AviaStar lan Merpati Airlines.

Cathetan suku besut

  1. http://www.skyscrapercity.com/showthread.php?t=1546230
  2. bangka.tribunnews.com/2012/07/05/landasan-papan anggegana-depati-amir-masih-2.000-mèter
  3. http://www.skyscanner.co.id/papan anggegana/pgk/pangkalpinang-papan anggegana.html