Basis

kalawarta basa Indonésia sing ngrembug bab kabudayan, wiyata, lan filsafat

Basis ya iku kalawarta sing ngrembug bab kabudayan, wiyata, lan filsafat.[1][2] Kalawarta iki dibabar kapisan ana Ngayogyakarta kala 15 Agustus 1951[1] kanthi enem édhisi saben taun.[2] Mantri rédhaksi kalawarta iki sing kapisan ya iku N. Drijarkara.[1] Sajeroning laladan sastra Indonésia, Basis duwé lelakon wigati, mligi tumrap pangrembakaning geguritan lan ésai basa Indonésia.[1] Basis ngupaya tumrap pangrembakaning adat pamikir sajeroning golongan para winasis Indonésia.[1] Saiki kalawarta Basis diamong Sindhunata, A. Setyo Wibowo, A. Sudiarja, Bagus Laksana, B. Hari Juliawan, lan para winasis sarta filsuf liyané.[2] Awit sapréné isih dibabar, kalawarta iki minangka kalawarta kabudayan tuwa dhéwé ing Indonésia.

Basis kekarepan nguripi "ruh Piet Zoelmulder" uga "ruh Driyarkara".[3] Kanthi ruhing Zoetmulder, Basis mèngeti lan ngertèni warisan, sujarah, lan réligiositas warisan jaman mbiyèn.[3]

Cathetan sikil besut

  1. a b c d e Dr. Dendy Sugono, èd. (2003). Ensiklopedia Sastra Indonésia Modern. Bandung: Remaja Rosdakarya Offset. kc. 56-58. ISBN 979-692-283-5.
  2. a b c "History". Dibukak ing 7 April 2016.[pranala mati permanèn]
  3. a b Sindhunata (1996). "Sajarah Basis". Basis. Diarsip saka sing asli ing 2016-10-21. Dibukak ing 12 Agustus 2016.

Pranala njaba besut