Basrizal Albara

Basrizal Albara kuwi tukang gawé reca utawa patung. Dhèwèké lahir ing Bengkalis, Riau, 30 April 1966. Dhèwèké anak kapapat saka anak cacah pitu. Kulawargané Basrizal dudu seniman nanging saka kulawarga PNS. Sanajang mangkono, Basrizal seneng gawé kesenian nganggo watu kang digawé bahan kanggo gawé reca. Saka cilik, Basrizal uwis seneng karo watu-watuan. Nalika dhèwèké umur 17 taun, dhèwèké lumebu sekolah ana ing jurusan seni rupa nang Padang, banjur tahun 1998 nerusaké sekolahe nang ISI Yogyakarta[1] jurusan seni murni pérangan gawé reca. Saka tahun 1994 Basrizal nekuni apa kang disenengi iki kanthi tenanan. Kepiyé angèlé cara gawé reca lan ndelok saka akèh sudut dadi tantangan kang disenengi dhèwèké.

Juru reca sithok iki bisa pirang- pirang dina ing gunung, pasisir, utawa ing pedalaman kanggo golèki bahan kanggo digawé reca. Ora mung pisan pindho dhèwèké nemu watu alam kaya ta onyx, marmer, granit ireng, utowo fosil kang wis dadi watu. Anggoné ngangkuti watu-watuan kuwi nganggo mobil dhèrèk utawa truk kang kusus kanggo gawa samubarang kaya mangkono. Watu-watuan kang akèh jinisé lan jumlahé kuwi bisa nganti ton-tonan kang wis siyap kanggoné dipecahi, padha gumlethak nang omahé kang dadi bèngkèl kerjané. Yèn ana watu kang apik, dijarké karo wongé. Watu-watuan fosil ya dadi bahan kréasiné. Ana salah sawijning karya judulé Bukan Perahu Nabi Nuh kang digawé saka fosil debog kang uwis dadi watu. Saka fosil kui diowahi sithik-sithik dibentuk wujudé dadi kaya prau.

Alumni ISI Yogyakarta iki kagolong juru reca kang prodhuktif. Saka taun 1991 wis mèlok pameran bareng nang akèh kutha lan wis ping telu nganakaké pameran ijèn. Karyané tau dadi juwara ana ing "Sand Sculpture Competition" saka Universitas Bung Hatta banjur taun 1986 juwara telu ing "National Sculpture COmpetition III" lan éntuk 'Anugerah Adipura Citra' ing taun 2004.

Karya-karyané besut

  1. Bunga
  2. Di Bawah Bulan
  3. Abstraksi Alam
  4. Bukan Perahu Nabi Nuh
  5. Joged Bersama (2004)
  6. Gunung (2005)
  7. Jalan Surga (2006)

Panghargian[2] besut

  1. Juara siji neng ajang Stand Sculpture Competition
  2. Juara telu neng National Sculpture Competition III (1986)
  3. Anugerah Adipura Citra Raya (2004)

Rujukan besut

  1. "ISI JOGJA | Institut Seni Indonesia Yogyakarta". ISI JOGJA | Institut Seni Indonesia Yogyakarta (ing basa Inggris Amérika Sarékat). Dibukak ing 2018-10-20.
  2. 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. ISBN 9789791436298. OCLC 848263279.{{cite book}}: CS1 maint: extra punctuation (link) CS1 maint: numeric names: authors list (link)