Beksan Angguk Menoreh
Jogèd Angguk Menorèh punika jogèd ingkang asalipun saking perbukitan menorèh ingkang mapan wonten ing Kacamatan Samigaluh, Kalibawang, Girimulya, lan Kokap Kabupatèn Kulon Praga, Yogyakarta.[1] Ing perbukitan menorèh kasebat kathah kesenian masarakat ing antawisipun jathilan, lènggèr, lan angguk. Angguk punika dèrèng mangertos sinten ingkang nyiptakaken. Angguk punika kesenian tlatah ingkang khas saking Kabupatèn Kulon Praga, ingkang dumugi samenika taksih dipunpéntasaken.
Pangertosan Angguk
besutPangertosan saking angguk miturut Ensiklopedia Jogèd Indonesia inggih punika salah satunggaling jogèd ing jogèd Melayu, ingkang polahipun punika pacak gulu ingkang dipungameli. Salajengipun pangertosan Angguk Kebumèn, masyarakatipun sami nyebat angguk punika Angguk Langendriyan. Jogèd punika dipunpendhet saking cariyos menak. Angguk punika wonten wiwit 1910 ingkang dipunsebat Angguk Menorèng utawi Angguk Menorèh. Nanging miturut para panggagas sanèsipun, angguk ingkang asalipun saking Kabupatèn Kulon Praga sadèrèngipun ngrembaka ing padhukuhan Blok I, Kalurahan Garongan, Kacamatan Panjatan. Ing tlatah punika angguk wonten wiwit taun 1956, dipunpéntasaken ing wanci dalu wetara 7—8 jam, dipungameli nganggé tebar lan jédor.[2]
Cathetan suku
besut- ↑ Tari Angguk Archived 2013-02-15 at the Wayback Machine.(dipunundhuh tanggal 30 September 2012)
- ↑ Adiatmono, Fendi.2006.Thesis "Spirit Angguk".Yogyakarta:Program Pascasarjana Institut Seni Indonesia Yogyakarta. Spirit Angguk (thesis)