Buntut kucing

jinis tuwuhan

Buntut kucing (Acalypha hispida)  yaiku tetuwuhan perdu ngembang kang kalebu kulawarga Euphorbiaceae genus Acalyphine. Ing maneka tlatah, wit  iki duwé aran liya kaya ta Wunga tambang, Lancuran, Lofoti lan Gou wei hong. Wit iki dhuwuré 2-3 mèter kanthi galih kasar, cawangan spondial, werna soklat kaijonan. Godhong wujud lonjong lan pinggiré mucuk eri. Godhong iki dawané 10–15 cm lan ambané 5–8 cm werna ijo enom. Balung godhong nyirip. Kembangé majemuk. Wit iki kalebu wit omah loro, ana wit lanang lan wit wadon. Wohé bunder cilik werna ijo. Wiji werna putih reged. Oyodé tunggang werna soklat.[1]

Tuwuhan buntut kucing
Klasifikasi ngèlmiah e
Karajan: Plantae
Klad: Angiosperms
Klad: Eudicots
Klad: Rosids
Ordho: Malpighiales
Famili: Euphorbiaceae
Subfamili: Acalyphoideae
Tribe: Acalypheae
Génus: Acalypha
Spésies: A. hispida
Jeneng binomial
Acalypha hispida
Burm.f.

Budidaya besut

Racaké tetuwuhan iki ditandur ing pekarangan utawa pinggir pager. Tetanduran iki seneng papan sing akèh sunaring srengéngé supaya bisa cepet ngrembaka. Padatané wit sing wadon sing bisa kanggo budidaya. Buntut kucing bisa tuwuh mawa wiji uga stèk. Buntut kucing bisa tuwuh ana ing lemah sing rada asam lan rada basa.[2]

Buntut kucing bisa dibudidayakaké mawa jero ruwangan. Ananging menawa ing jero ruwangan, kudu mbutuhaké pangopènan kang setiti supaya ora kena kutu putih, tungau, lan kemangga.[3]

Piguna besut

Kembang Buntut Kucing bisa kanggo nambani lara diséntri, mimisan, tilas kobong, diuretik lan cacingan. Kembang kasebut didheplok nganti lembut banjur dibaluraké.[4]

Gladri besut

Deleng uga besut

Kucing galak

Tlalé gajah

Kayu urip

Kapustakan besut

  1. "IPBiotics - View TumbuhanObat". ipbiotics.apps.cs.ipb.ac.id. Dibukak ing 2020-04-03.
  2. "Acalypha hispida - Useful Tropical Plants". tropical.theferns.info. Dibukak ing 2020-04-03.
  3. "Acalypha hispida - Plant Finder". www.missouribotanicalgarden.org. Dibukak ing 2020-04-03.
  4. Nuris Nuraini, Dini (2014). Aneka Daun Berkhasiat Untuk Obat. Yogyakarta: Gava Media. ISBN 978-602-7869-42-4.