Chicago, Illinois

Chicago iku kutha gedhé dhéwé ing praja Amérikah Sarékat Illinois, diyasa tanggal 12 Agustus 1833. Misuwur kanggo peternakan lan area indhustriné kang kasebar, pelabuhané kang strategis ing Tlaga Gedhé, posisiné minangka pusat jaringan KA paling wigati ing AS pérangan lor, lan semangaté kang ora mati-mati suwéné Kobongan Gedhé 1871. Uga ditepungi kanthi sastrawan misuwur kaya déné Saul Bellow, Gwendolyn Brooks, Carl Sandburg, lan Theodore Dreiser, sarta arsitèktur kelas donyané kang diasilaké para master kaya déné Frank Lloyd Wright.

Kanggo Chicago minangka grup musik, pirsani: Chicago (grup musik).

Ukuran Chicago saiki-± 762 mil2 (1.973 km2)-ngrembaka saka pos perdagangan ing kéné déning John Kinzie taun 1796.

Gedhung sundhul langit kang dikuwataké déning baja asal saka Chicago. Gedhung Asuransi Omah Chicago rampung diwangun (1885) lan 9 taun sabanjuré, 21 gedhong diwangun kanthi dhuwur ±12-16 tingkat. Tuwuh dadi kutha misuwur abad 19 amarga panggonan lan posisi wigatiné minangka pusat transportasi, Chicago ditunjuk nyelenggarakaké Ekspo Kolumbia Donya 1893, ngalahaké NYC lan Washington DC.

Sakwéné mangsa pelarangan 1920an, Chicago misuwur amarga para boss organisasi kajahatané kaya déné Al Capone kang ngendhalèkaké bisnis lan sok-sok pulitik. Merangi mafia ateges siyap ngadhepi tindak kekerasan, lan pendhudhuké nyeksèkaké kanthi waspada nalika kakejian mundhak, lan puncaké ing manéka prastawa kaya ta Pembantaian Dina Valentine 1929. Wektu iku, kutha iki nglakoni urip kanthi musik lan warna, ndhelik ing kedai MiRas papan wanita dansa lan dhuwit mili kaya banyu.

Chicago wujud pangkalan sapérangan golongan téater ing Amérika, kalebu Kutha Kaloro lan Institut Seni Chicago.

Walikuthané akèh kang narik kawigatèn nasional kaya ta Richard J. Daley kang nguwasani pulitik ing Chicago pirang-pirang dekade nganti patiné taun 1976, nuli putrané kang kuwasa ing dekade sabanjuré.

Diwasa iki wujud kutha ing Amérika kang dadi lokasi konvènsi, uga wis tuwuh dadi pusat jaringan KA paling wigati ing Illionis Central, Burlington Northern lan Atchison Topeka & Santa Fe. Kaloro kang karan pungkasan iki nggabungaké operasionalé (1995) dadi sistem KA gedhé dhéwé ing wilahan Kulon. Chicago-minangka jantung dalan KA nasional-iku pusaté. Kutha ing pinggir tlaga iki misuwur ing saindenging Amérika amarga omah, taman, lan pesisiré. Pendhudhuk Chicago gunggungé 2,8 yuta jiwa isih dianggep masarakat paling ’alasan’ lan kréatif ing Amérika.

Pemandhangan kutha

Chicago skyline 18 April 2009 saka Northerly Island katon saka wétan.

Chicago 9 Agustus 2010 saka John Hancock Center katon saka kidul.

Réferènsi

Beckner,Chrisanne dan Soetrisno,Eddy.2001.Buku Pintar 100 Kota Besar Bersejarah di Dunia.Jakarta:Ladang Pustaka & Intimedia.

Pranala njaba

Artikel iki minangka artikel rintisan. Kowé bisa ngéwangi Wikipédia ngembangaké.