Clarissa Tamara
Clarissa Tamara, diceluk kanthi jeneng Ica, dhèwèké iku bocah cilik kang suksès dadi juru main piyul andhel. Ica lair tanggal 26 april 1999.[1] Dhèwèké iku bocah cilik kang duwé bakat dolanan piyul.[1] Bocah cilik iki pancèn wis duwé minat kanggo dadi juru main piyul kawit isih umur telung sasi, lan miwiti latihan babagan piano nalika umur rong taun.[1][2] Amarga iku wong tuwané ngarahaké dhèwèké supaya Ica dadi juru main piyul.[1] Dhèwèké miwiti sinau piyul nalika umur patang taun.[1] Asilé, saiki Ica temenanan bisa mamèraké kalimpatané ing donya hiburan Indonésia.[1]
Dhèwèké wis duwé prèstasi ing donya.[1] Nalika umur limang taun dhèwèké bisa olèh bebungah juwara I Kids Talent Contest, lan ing umur 6 taun, dhèwèké miwiti kanggo siyap-siyap album kang kaping pisanan.[1]
Ing umur wolung taunan, Ica wis ngluncuraké album kang judhulé 8, dirilis tanggal 8 Maret 2008.[1] Ing albumé kang kaping pisanan iki Clarissa nyampuraké tèknik dolanan biolané karo musik-musik liyané kaya ta jazz, dangdut, lan pop.[1] Album kang isiné 11 tembangan iki 10 iku musik instrumèntal kanthi alunan biolané lan tembangan kang judhulé “kring – Kring Halo” dinyanyèkaké déning dhèwèké dhéwé.[1] Album kang digarap suwéné nganti rong taun mau diréwangi déning Tamam Hoesein, Henry Lamiri, Marcel Aulia, Indro Hardjoko lan Uce Haryono.[1]
Ing akir taun 2008, Ica ngrilis album kaping loroné kang judhulé 9 GIFTS OF CHRISTMAS.[1] Albumé kang anyar iki nuansané lagu-lagu Natal, nanging ana tembung 9 ing tembangan mau iku umuré Ica nalika album iku dirilis.[1]
Nanging nyatané prèstasiné ora mung tekan kono. Ing tanggal 24 April taun 2009, album Clarissa Tamara 8 kanthi judhul Aku Cinta D minor bisa olèh bebungah AMI Award ka 12 dadi karya Prodhuksi Album World Instrumèntal paling apik.[2] Bebungah iku ditampa nalika umuré mèh 10 taun.[2] Dhèwèké nindakaké ulang taun sisan syukuran amarga olèh bebungah AMI.[2] Nalika iku dhèwèké isih ana ing kelas 4 Sekolah Dasar Don Bosco II.[2]
Diskografi
besutAlbum-album kang tau dirilis déning Clarissa Tamara[1]:
- 2008 8
- 2009 9 GIFTS OF CHRISTMAS
Cathetan sikil
besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |