Curug Giri Tirta

Curug Giri Tirta yaiku salah sijine obyek wisata ana ing Kabupaten Banjarnegara,Jawa Tengah.^[1] Lokasi Curug Giri Tirta ana ing Desa Giri Tirta, Kecamatan Pejawaran, Kabupaten Banjarnegara, Jawa tengah. Curug Giri Tirta beda karo curug liyane, amarga banyune rasane anget.

Warga pada seneng dolan maring Curug Giri Tirta pada dus-dusan. Malahan akeh pengunjung saka kota-kota liyane sing pada dolan menyang Curug Giri Tirta. Apa maning nek musim preinan dawa, pengunjung sangsaya tambah akeh rombongan nganggo kendaraan bis utawa mobil deret-deret.

Curug Giri Tirta esih alami lan asri, uga hawane seger suhune 28 derajat iku sing ndadekna Curug Giri Tirta banyune anget lan seger kanggo dus-dusan. Lokasine cedak karo obyek wisata tataran tinggi Dieng, Kabupaten Banjarnegara, Jawa Tengah.

Curug Giri Tirta dikelola saka warga kanthi patokan tiket mlebu lima ngewu perak. Pengunjung bisa ngrasakne banyu anget kanggo dus-dusan sepuase. Banyu anget kui bisa kanggo ngilangake rasa kesel sawise ngurusi kesibukan gawean. Malah akeh pengunjung seneng kungkum sasuwene amarga banyu anget Curug Giri Tirta rasane seger lan nduweni khasiat kanggo nyehatake awak kesel.

Lokasine gampang diparani kanthi mlaku suwene kurang lewih setengah kilometer saka parkiran. Alam sekitare kang sing esih ijo alami, hawane uga seger marekna betah suwe dolanan ing Curug Giri Tirta.

Pengunjung uga disuguhi jajanan khas Banjarnegara, yaiku dawet ayu, mendoan, ondol, cireng, kentang goreng, bakwan, kupat pecel lan jajanan liyane. Dawet ayu Banjarnegara rasane seger, nikmat lan sehat klangenane wong Banjarnegara lan sekitare.

Saiki obyek wisata Curug Giri Tirta durung dikelola secara maksimal, esih butuh fasilitas liyane supayane Obyek Wisata Curug Giri Tirta lewih apik lan bisa dadi rujukan pengunjung nalika liburan. Esih perlu tambahan fasilitas sing lengkap supayane obyek Wisata Curug Giri Tirta lewih moncer dikenal wilayah Nasional nganti tekan Internasional.

Ayo..pada dolan maring Banjarnegara njujug tekan obyek Wisata Curug Giri Tirta sing anget banyune lan asri tanduran ijo royo-royo uga nyengsemaken lan ngademake pikiran uga nyehatake awak kesel.

Rujukan

↑ Rahayu, Wulan Desti (2023-12-17). "19 Air Terjun di Banjarnegara Terbaik & Terhits, Lokasi, Rute & Tiket Masuk". Tempat Wisata Seru (ing basa Inggris Amérika Sarékat). Dibukak ing 2024-06-01.

[1] Rahayu, Wulan Desti (2023-12-17). "19 Air Terjun di Banjarnegara Terbaik & Terhits, Lokasi, Rute & Tiket Masuk". Tempat Wisata Seru (ing basa Inggris Amérika Sarékat). Dibukak ing 2024-06-01.

[1]