Kabupatèn Banjarnegara

Kabupatèn Banjarnegara (Carakan: ꦑꦧꦸꦥꦠꦺꦤ꧀ꦨꦚ꧀ꦗꦂꦤꦼꦒꦫ, Pegon: كَبُڤَتَينْ بَنْجَرْنٚݢَرَ), iku kabupatèn ing Provinsi Jawa Tengah, Indonésia, pernahé ing wewengkon Tengah, kutha Banjarnegara iku kutha krajan kabupatèné, kutha-kutha liyané: Khuta Mandiraja, Purwanagara, Wanadadi, Klampok, Karangkobar, Wanayasa lan liya-liyané. Wiyaripun wewengkon kabupatèn iki ± 1,064,52 km² utawa 106.970,997 ha lan 3,10 % saking wiyaripun Provinsi Jawa Tengah, Indonésia.

Banjarnegara كَبُڤَتَينْ بَنْجَرْنٚݢَرَ ꦑꦧꦸꦥꦠꦺꦤ꧀ꦨꦚ꧀ꦗꦂꦤꦼꦒꦫ
Kabupatèn
Lambang
Sesanti: Wani Memetri Rahayuning Praja
Pernahé Banjarnegara ing Jawa Tengah
Nagara	Indonésia
Provinsi	Jawa Tengah
Kutha krajan	Banjarnegara
Pamaréntahan
• Bupati	Budhi Sarwono (Wing Cin)
Laladan
• Gunggung	1,069,71 km2 (0,41.302 sq mi)
Cacah warga
• Gunggung	916,875
• Pepadhet	860/km2 (2,200/sq mi)
Bebrayan
• Wong	Jawa, Arab, Cina lan liya-liya
• Basa	Jawa lan Indonesia
• Kepercayan	Islam, Kristen Protestan, Katulik, Buddha, Hindu
Zona wektu	WIK (UTC+7)
Kodhe laladan	(+62) 286
Situs wèb	banjarnegarakab.go.id (ing basa Indonésia)

Sajarah

Amarga lelabuhané marang Pamaréntah Mataram sajeroning Perang Diponegoro, R. Tumenggung Dipayudha IV banjur diusulaké déning Pakubuwono VII dadi Bupati Banjar ing tanggal 22 Agustus 1831 (sadurungé status Bupati Banjar wis dibusak). Wektu semana kutha krajan kabupatèn dumunung ing Banjarmangu. Mudalé Kali Serayu dianggep kendala transportasi karo kutha krajan Kasunanan Surakarta, saéngga kutha krajan kabupatèn wusanané dipindhah menyang lokasi sing anyar ing sisih kidul kali, kanthi jeneng Banjarnegara (Banjar: sawah; Nagara: kutha).

Tumenggung Dipayudha mengku kalungguhan minangka bupati nganti taun 1846, lan pengganti Bupati Banjarnegara sabanjuré yaiku:

• R. Adipati Dipadiningrat (1846-1878)
• Mas Ngabehi Atmodipuro (1878-1896)
• Radèn Mas Jayamisena (1896-1927)
• Radèn Sumitro Kolopaking Purbonegoro (1927-1949)
• R. Sumitro (1949-1960)
• R. Mas Soedjirno (1960-1967)
• R. Soedibjo (1967-1973)
• Drs. Soewardji (1973-1980)
• Drs. H. Winarno Surya Adisubrata (1980-1986)
• H. Endro Soewarjo (1986-1991)
• Drs. H. Nurachmad (1991-2001)
• Drs. H. Djasri, MM-Drs. Hadi Supeno. MSi(2001-2006)
• Drs. H. Djasri, MM-Drs. Soehardjo (2006-2011) minangka pasangan bupati-wakil bupati banjarnegara sing kapilih sepisanan liwat Pilkada langsung.

Géografi

Miturut Astronomis, Kabupatèn Banjarnegara wonten ing sawatawis 7° 12'-7° 31' Lintang Selatan lan 109° 29'-109° 45'50" Bujur Timur.Wonten ing iring lèr kabupatèn punika jejeran kaliyan Kabupatèn Pekalongan lan Kabupatèn Batang, Kabupatèn Wonosobo wonteng ing iring wétan, Kabupatèn Kebumèn wonten ing iring kidul lan wonmten ing iring kilèn wonten Kabupatèn Banyumas lan Kabupatèn Purbalingga.

Papréntahan

Kabupatèn Banjarnegara ketata saking 20 Kacamatan, 5 Kalurahan lan 273 désa. Kacamatan-Kacamatan ing Kabupatèn Banjarnegara yaiku:

• Susukan
• Purwareja Klampok
• Mandiraja
• Purwanegara
• Bawang
• Banjarnegara
• Sigaluh
• Madukara
• Banjarmangu
• Wanadadi
• Rakit
• Punggelan
• Karangkobar
• Pagenthan
• Pejawaran
• Batur
• Wanayasa
• Kalibening
• Pandhanarum
• Pagedhongan

Pendhidhikan

Pendhidhikan formal	TK utawa RA	SD atau MI	SMP utawa MTs	SMA utawa MA	SMK	Pawiyatan luhur	Liya
Negri	3	657	95	10	4	0	0
Swasta	539	210	49	17	13	2	0
Total	542	867	144	27	17	2	0
Data sekolah ing Kabupatèn Banjarnegara Sumber:

Plesiran

• Bukit watu sodong Ing Mandiraja
• Arum jeram
• Curug Jurug Pitu
• Gunung Lawe
• Taman satwa Serulingmas
• Dataran dhuwur Dieng
• Waduk Mrican

Deleng uga

• Pratélan Daerah Tingkat II

Pranala njaba

• Situs Web Resmi Archived 2013-10-23 at the Wayback Machine.

Jawa Tengah