Wong Jawa

Wong Jawa (Jawa ngoko: wong Jawa/ꦮꦺꦴꦁꦗꦮ, krama: tiyang Jawi‌/ꦠꦶꦪꦁꦗꦮꦶ) iku bebrayan utawa golongan ètnis kang asalé saka Pulo Jawa pérangan tengah lan wétan. Nanging ing abad kaping 21 wong Jawa wis sumebar ing saindhenging Nuswantara lan sajabané. Cacahé manawa watara 90 yuta. Asalé saka Pulo Jawa lan mligi ing Provinsi Jawa Tengah lan Jawa Wétan. Nanging ing provinsi Jawa Kulon uga akèh tinemu Wong Jawa, mligi ing Kabupatèn Indramayu lan Cirebon kang mayoritas masarakaté minangka wong-wong Jawa kang migunakaké basa lan budaya Jawa, lan ing Banten lan uga ing Jakarta akèh sumebar wong Jawa. Saliyané wong Jawa baku, ana uga subsuku Using lan Tengger.

Suku Jawa
Wong Jawa (Ngoko) ꦮꦺꦴꦁꦗꦮ
Tiyang Jawi (Krama) ꦠꦶꦪꦁꦗꦮꦶ

Perkawinan Tradisional Jawa
Gunggung cacah jiwa
(2004: kurang luwih 90 yuta.)
Tlatah mawa cacah jiwa akèh
Indonésia: Jawa Tengah: 33 yuta Yogyakarta: 3 yuta Jawa Wétan: 30 yuta Jawa Kulon: 5,5 yuta Banten: > 500.000 Jakarta: 3 yuta (kira-kira) Lampung: 4,5 yuta Sumatra Kidul: 1,9 yuta Riau: 1,2 yuta Kalimantan Wétan: 0,7 yuta Jambi: 0,7 yuta Acèh: 0,6 yuta Kalimantan Kidul: 0,4 yuta Bengkulu: 0,3 yuta Kalimantan Tengah: 0,3 yuta Papua: 0,3 yuta Malaysia: 1-2 yuta Mesir: 87.000 Suriname: 75.000. Kaledonia Baru: 5.000. Républik Rakyat Cina: 400. Koréa Kidul: 20.
Basa
basa Jawa, basa Indonésia, basa Malayu, basa Madura, basa Nèderlan, basa Prancis, Basa Cina, basa Mandarin, basa Koréa lan liya-liya.
Agama
Islam, Kristen, Hindhu, Buda lan Kajawèn,
Golongan ètnik magepokan
Wong Sundha, Wong Madura, Wong Bali.

Basa

Wong Jawa sapérangan gedhé migunakaké basa Jawa kanggo wicara sadina-dina. Sajeroning sawijining polling kang dianakaké kalawarta Tempo ing wiwitan dasawarsa 1990-an, kurang luwih mung 12% wong Jawa kang migunakaké basa Indonésia kanggo sadina-dina, watara 18% migunakaké basa Jawa lan Indonésia kanthi campur lan saluwihé nganggo basa Jawa.

Basa Jawa duwé aturan kang mbédakaké cara migunakaké tetembungan miturut tataran dhedhasar gegayutan antara pawicara lan sapa kang diajak wicara. Aturan iki kaloka minangka undha-usuk basa. Aspèk bebasan iki duwé prabawa sosial kang kuwat sajeroning budaya Jawa, lan anané kasadaran bab status sosial ing masarakat.

Kagunan

Wong Jawa misuwur duwé budaya kagunan mligi diprabawai déning agama Hindhu-Buda, ya iku pamentasan wayang. Repertoar carita wayang utawa lakon sapérangan gedhé dhedhasar wiracarita Ramayana lan Mahabharata. Nanging ana uga prabawa saka agama Islam lan Donya Kulon.

Stereotipe wong Jawa

Wong Jawa duwé stereotipe minangka sukubangsa kang sopan lan alus. Nanging uga misuwur minangka sukubangsa kang katutup lan ora gelem blaka suta.

Tokoh-tokoh Jawa

Pratélan tokoh Jawa:

• RA. Kartini, Pahlawan Nasional.
• Michelle Branch, Penyanyi internasional katurunan Jawa.
• Wage Rudolf Supratman, Pangripta lagu "Indonesia Raya".
• Abdul Malik Fadjar, Anggota Dewan Pertimbangan Presiden (2014-2019), Mantri Kordinator Bidang Kesejahteraan Rakyat Indonesia, Mantri Pendidikan Nasional ke 24, Mantri Agama Indonesia ke 17
• HM. Soeharto, Présidhèn Républik Indonésia.
• Siti Hartinah, Ibu Negara Indonesia ke 2, Istri Soeharto.
• Soekarno, Proklamator lan Présidhèn Républik Indonésia ke 1.
• Susilo Bambang Yudhoyono, Présidhèn Républik Indonésia ke 6.
• Megawati Soekarnoputri, Présidhèn Republik Indonesia ke 5, Wakil Presiden Republik Indonesia ke 8, Ketua Umum Partai Demokrasi Indonesia Perjuangan ke 1, lan sisan présidhèn wanita pisanan ing Indonésia, Anak Soekarno.
• Abdurrahman Wahid, Présidhèn Républik Indonésia ke 4, Anak Wahid Hasyim.
• Joko Widodo, Presiden Républik Indonésia ke 7, Gubernur DKI Jakarta ke 16, Walikutha Surakarta ke 16
• Sri Adiningsih, Ketua Dewan Pertimbangan Presiden Indonesia ke 4
• Paul Salam Soemohardjo, Ketua Parlemèn Suriname lan Ketua Parté Pertjaja Luhur ing Suriname.
• Khofifah Indar Parawansa, Mantri Sosial ke 27, Mantri Nagara Pemberdayaan Perempuan, Wakil Ketua Dewan Perwakilan Rakyat.
• Hasri Ainun Habibie, Ibu Negara Indonesia ke 3, Istri Bacharuddin Jusuf Habibie.
• Hamengkubuwono I, Raja Kesultanan Yogyakarta
• Hamengkubuwono II, Raja Kesultanan Yogyakarta
• Hamengkubuwono III, Raja Kesultanan Yogyakarta
• Hamengkubuwono IV, Raja Kesultanan Yogyakarta
• Hamengkubuwono V, Raja Kesultanan Yogyakarta
• Hamengkubuwono VI, Raja Kesultanan Yogyakarta
• Hamengkubuwono VII, Raja Kesultanan Yogyakarta
• Hamengkubuwono VIII, Raja Kesultanan Yogyakarta
• Hamengkubuwono IX, Wakil Presiden Republik Indonesia ke 2, Mantri Kordinator Ekonomi, Keuangan, dan Industri Indonesia ke 1, Ketua Kwatir Nasional ke 1, Wakil Mahamantri Indonesia ke 5, Mantri Pertahanan Indonesia ke 3, Gubernur Daerah Istimewa Yogyakarta ke 1, Raja Kesultanan Yogyakarta
• Ahmad Dahlan, Ulama (Kyai) lan pendiri organisasi Muhammadiyah.
• Saifullah Yusuf, Wakil Gubernur Jawa Timur, mantan Mantri Nagara Percepatan Pangyasa Laladan Tertinggal.
• Nurcholish Madjid, cendekiawan lan budayawan.
• Purnomo Yusgiantoro, Mantri Energi lan Sumberdaya Mineral.
• Wahid Hasjim, pahlawan nasional Indonésia lan mantri nagara sajeroning kabinèt pisanan Indonésia.
• Hasyim Asyari, Pendhiri Nahdatul Ulama.
• Julius Darmaatmadja, Biskop Agung Jakarta lan Mantan Ketua KWI (Konferensi Waligereja Indonésia)2000-2006.

Uga delengen

• Pratélan suku ing Indonésia