Wikipédia

Abdul Malik Fadjar

Artikel iki ditulis nganggo basa krama.

Prof. Dr. Abdul Malik Fadjar (miyos ing Yogyakarta, Indonésia, 22 Fèbruari 1939)[1] inggih punika Mantri Pendhidhikan Nasional ing Kabinét Gotong Royong.[2] Panjenenganipun punika lulusan saking Institut Agama Islam Negeri (IAIN) Sunan Ampel, Malang.[2] Abdul Malik Fadjar miwiti kariéripun minangka guru agami ing SD Negeri Taliwang, Sumbawa Ageng.[2] Panjenenganipun langsung dados guru sasampunipun lulus saking Pendidikan Guru Agama Atas (PGAA) Negeri Yogyakarta taun 1959.[2] Sasampunipun dados guru agami ngantos sekawan taun, nalika taun 1963 panjenenganipun nglajengaken pendidikanipun dhateng jenjang sarjana enèm ing Fakultas Tarbiyah IAIN Sunan Ampel, Malang.[2] Salajengipun nglajengaken kuliyah malih saéngga pikantuk gelar sarjana ing taun 1972.[2] Sasampunipun lulus, panjenenganipun lajeng mucal ing almamateripun lan dados Sekretaris Fakultas Tarbiyah IAIN Sunan Ampel ngantos dumugi taun 1979.[2]

Abdul Malik Fadjar
Mantri Koordinator Bidang Kesejahteraan Rakyat
ad-interim
Linggih
22 April 2004 – 21 Oktober 2004
PrésidhènMegawati Soekarnoputri
Kang sadurungéJusuf Kalla
Kang sawiséAlwi Shihab
Mantri Pendhidhikan Nasional Républik Indonésia 23
Linggih
10 Agustus 2001 – 21 Oktober 2004
PrésidhènMegawati Soekarnoputri
Kang sadurungéYahya Muhaimin
Kang sawiséBambang Sudibyo
Mantri Agama Républik Indonésia 17
Linggih
21 Mèi 1998 – 26 Oktober 1999
PrésidhènBaharuddin Jusuf Habibie
Kang sadurungéQuraish Shihab
Kang sawiséTolchah Hasan
Rerincèn dhiri
Lair (1939-02-22) Fèbruari 22, 1939 (umur 85)
Cithakan:Country data Hindia Nèderlan Yogyakarta, Hindia Nèderlan
AgamaIslam

Sasampunipun punika, Abdul Malik Fadjar pikantuk anugrah supados nglajengaken studinipun ing Department of Educational Research, Universitas Negeri Florida, Amérika serikat.[2] Wonten ing mrika panjenenganipun pikantuk gelar Master of Science ing taun 1981.[2] Salajengipun panjenenganipun pinitados dados Dekan FISIP Universitas Muhammadiyah Malang (Unmuh Malang), taun 1983-1984.[2] Salajengipun, panjenenganipun dipunamanahi njabat Réktor ing kalih universitas inggih punika ing Unmuh Malang lan Universitas Muhammadiyah Surakarta (UMS) ngantos dumugi taun 2000.[1][2]

Nalika taun 2000, panjenenganipun dipundadosaken guru besar ing IAIN Syarif Hidayatullah Jakarta.[2] Nalika wekdal pamaréntahanipun B.J. Habibie, panjenenganipun pinitados dados Mantri Agami lan ing wekdal pamaréntahanipun Megawati Soekarnoputri panjenenganipun pinitados dados Mantri Pendidikan Nasional.[2]

Kariér

besut
  • Mantri Agami Kabinét Reformasi Pembangunan (1998-1999).[2]
  • Mantri Pendidikan Nasional Kabinét Gotong Royong[1] (2001-2004).[2]

Cathetan suku

besut
  1. ↑ a b c Abdul Malik Fadjar Bahagia Sebagai Guru Archived 2011-09-08 at the Wayback Machine. dipunundhuh tanggal 24 September 2011)
  2. ↑ a b c d e f g h i j k l m n o Abdul Malik Fadjar[pranala mati permanèn] dipunundhuh tanggal 24 September 2011)

Pranala njawi

besut

Abdul Malik Fadjar[pranala mati permanèn]


Dijupuk saka "https://jv.wikipedia.org/w/index.php?title=Abdul_Malik_Fadjar&oldid=1654778"