D'Bagindas inggih punika satunggalipun grup musik saking Indonesia ingkang anggotanipun Dian Purnama utawi Tile, Dandy, Michael Christian utawi Mike, lan Beny Rianto utawi Bian.[1] Band punika dipunwiwiti saking idenipun Tile ingkang nembé mireng lagu ingkang dipunripta déning Mike ingkang dipuanggep Tile minangka lagu ingkang brilian.[1] Awit saking punika, kekalihipun lajeng ngejak Dandy kanggé damel grup band énggal, sanajan kedah gantos aliran saking band aliran metal dados pop melayu.[1] Mike, ingkang ngripta lagu lan nyobi dados vokalisipun ngraos boten saged nyanyikaken lagu kasebat kanthi saé lan lajeng nyobi mados vokalis kanggé grup band-ipun.[1] Saking punika, lajeng kepanggih kaliyan Bian, ingkang asalipun saking Malang, ingkang dipundaulat minangka vokalis kanthi karakter vokal dangdut.[1] Kangge album ingkang kapisan, D'Bagindas nyamektakaken 12 lagu, kanthi lagu Apa yang Terjadi ingkang dipunpendhet minangka singel ingkang kapisan.[1] Band punika ngusung lan nggabungaken aliran-aliran musik kados dangdut, keroncong, blues, lan country.[1] Video klip kanggé singel ingkang kapisan dipunsutradarai déning Abimael Gandy kanthi setting griya susun Tanah Abang.[1] Sasampunipun sukses kanthi singel ingkang kapisan, D'Bagindas lajeng ngliris singel nomer kalih kanthi irah-irahan Cinta.[1] D'Bagindas pikantuk kanugrahan minangka grup pop melayu paling saé ing adicara Anugerah Musik Indonesia (AMI) Awards taun 2011 kanthi lagu "Cinta".[2]

Latar wuri
AsalMalang, Indonesia
GenrePop , Melayu
Taun aktif2010-sapunika
LabelTrinity Optima Production
Anggota
Bian
Mike
Dandy
Tile

AlbumBesut

  • C.I.N.T.A (2010)
  • Yang No. 1 (2011)
  • 1 Malam (2013)
  • Terlalu Cinta (2011)

Cathetan sukuBesut

  1. a b c d e f g h i D'Bagindas dipunundhuh tanggal 29 Juli 2011)
  2. D'Bagindas Grup Pop Melayu Terbaik AMI 2011 dipunundhuh tanggal 29 Juli 2011)

Pranala njawiBesut

D'Bagindas