Dandelion

Randa Tapak
bunga Randa Tapak
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Asterales
Famili:	Asteraceae
Génus:	Taraxacum Cass.
Species
See text

Kêmbang Randha Tapak (Ind: Dandelion) ya iku salah sijiné jinising tetuwuhan kang lumrahé dadi mungsuhé suket ing pinggiring kutha, nanging duwé nutrisi sing ora lumrah. Kêmbang iki uga duwé jeneng ilmiah ya iku Taraxacum officinale. Manawa ing désa-désa, kêmbang Randha Tapak kerep dinggo pakan ternak kaya ta truwèlu, wedhus, apa déné sapi.

Tetenger

Compositae tumeka watês pupunjung (Ind: ekstrem) ana ing jangkah maju evolusi, saka sasijen (Ind: individu) kembang sing cetha maring kembanging kembang sing uga cetha, sing kasusun saka klumpukan kembang-kembang kang cilik. Apa sing lumrahé karan kembang ing suku iki ya iku ing kanyatan wujud sabonggol (ya iku sawijining kembanging kembang sing kasusun saka kembang-kembang kang ora duwé gagang, karan florent, sing trubus ana ing panyangganing kembang) sing dikupengi déning pembalut braktea sing meh padha karo klopak. Jeneng Compositae iku sinartan watêk pakeh (Ind: majemuk) wawangun (Ind: struktur) saka apa sing kanthi salah kaprah wong-wong ngarani 'kembang'. Watêk nêtêp (Ind: konstan) liyané saka suku iki ya iku sirah sari sing gunane dadi satabung. Ana manéka suku manèh sing wujud kembang-kembang cilik dan manglumpuk kaya mau kaya ta, Proteaceae, nanging suku iki duwé babakal woh sing numpaki, sirah sari sing ucul lan prabedan-prabedan liyané ing antarané Compositae.

• 
• 

Piguna

Kêmbang Randha Tapad iku kabèh pérangané duwé piguna kang mawarna-warna. Godhongé ngandhutpkadhar vitamin A, C, D, lan B kompleks, dat wêsi, magnesiyum, sèng, kaliyum, mangaan, tembaga, kolin, kalsiyum, boron lan silikon. Kajaba dat iku, ana dat sing mobah (Ind: aktif) aktif sajeroning kembang Randha Tapak, ya iku eudesmanolide lan germacranolide minangka substansi utawi pérangan khas tetuwuhan iki. Saka dat-dat (Ind: zat-zat) sing kaandhut iku mau, sronggote bisa nambani prakara lelara liver lan saluran empedu.