Danielle Steel, ya iku salah siji ning novèlis kondang ing negara manca. Danielle Fernande Dominique Schulein Steel, lair ing New York taun 1947. Saiki karyané wis ana luwih saka 130 novel, buku anak-anak, puisi-puisi, lan sapiturute. Novel-novel kang diarang dening Danielle wis payu kira-kira 500-800 yuta kopi.

Tapak Asma Danielle Steel

Kauripan pribadhi besut

Bapak lan ibuné pisah awit Danielle umur 8 tahun (sekitar taun 1955). Banjur sing ngrumati dhèwèké ya iku bapaké. Danielle arang ketemu karo ibuné. Cilikané urip ing Perancis lan nduwéni kaluarga kang sugih uga cukup diurmati. Bapaké ya iku John Schulein Steel. Ibuné Norma da Camera Stone dos Reis. Merga kaluarganée nduwé jeneng gedhé, Danielle asring mèlu ing acara-acara formal kaya ta makan malam karo para pejabat. Iki ndadèkaké Danielle isa nulis ing novèl-novèlé kang ngamot "Rich people life" utawa crita uripe para wong sugih, tanpa katon kaya digawé-gawe alias realistik banget.

Wektu dhèwèké isih cilik, cita-citané yaiku dadi biarawati. Tapi yèn dideleng uripé saiki adoh banget saka ciri-ciriné para biarawati. Danielle wis nikah ping lima lan nduwé anak sanga, papat lanang lima wadon. Anak sanga mau ora kabèh anak biologisé, namung pitu kang anaké asli. Loro liyane yaiku anak angkat lan anak gawan saka bojoné kang nomer papat, John Traina. Sanadyan uripé kaya mangkana, Danielle ora tau urip adoh seka agama. Dhèwèké nganggep awaké dhéwé fanatik ing agama kui. Kabeh-kabèh dipasrahake marang Gusti. Kabeh musibah ditandangi nganggo ati ikhlas lan syukur.