Dempollelet
| Dempollelet | |
|---|---|
| |
| Dompellet | |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Eudicots |
| Unranked: | Rosids |
| Ordho: | Malpighiales |
| Famili: | Phyllanthaceae |
| Tribe: | Phyllantheae |
| Subtribe: | Flueggeinae |
| Génus: | Breynia |
| Spésies: | B. oblongifolia |
| Jeneng binomial | |
| Breynia oblongifolia (Mull.Arg.) Mull.Arg.[1] | |
Dempollelet (Breynia Spee) utawa godhong tumbar ana limang warna kang wis disumurupi déning wong.
Déné bedane mung godhonge ana ana kang cilik, sedheng, lan amba. Kembang lan uwohe ana ing sangisore gagang lan godhong. Kembange warnane kuning enom lan semu abang. Déné uwohe blimbingan warna abang.
Katiyasane
besutDempollelet iku akèh kagunane, ing ngisor iki ana tuladha mupangate dempollelet:
- Godhonge kanggo ngetokaké riyak, lara diare, godhonge diadhoni kaya ngadhoni teh, diombe.
- Wit lan godhonge bisa dienggo tamba lara weteng, nanging aja digodhog, disiram wedang panas utawa remet-remet karo banyu adhem, disaring nuli diombe.
- Wit lan godhong kanggo tamba lara sawan agung. Carane ya iku dipipis lembut, disaring nuli di ombé. Saliyané iku uga tamba lara weteng jalaran saka urat syaraf, godhonge bisa dienggo jaba jero.
Wit dempollelet kalebu tetuwuhan kang cendhak (boomheesters). Bisa thukul ana alas utawa padésan kanggo pager lan bisa urip ing hawa panas.
Cathetan sikil
besut- ↑ "Breynia oblongifolia". Ostralin Plant Name Index (APNI), IBIS database. Centre for Plant Biodiversity Research, Ostralin Government, Canberra. Dibukak ing 2008-10-10.[pranala mati permanèn]