Dorokdok
Dorokdok inggih punika satunggaling nama saking dhaharan garing ingkang limrah dipuncemil utawi dipundadosaken lawuh (mliginipun wonten ing sajian sayur-sayuran). Wujudipun dorokdok punika alit-alit mèmper kados déné krikil karang sagara. Wonten ingkang agengipun punika sami kaliyan kuku driji ingkang paling ageng kuku jempol.[1] Dorokdok punika dipunparingi nama kados mekaten amargi nalika dipunmamah déning waja punika saged medalaken swara dorok dok dorok dok, amargi wonten ingkang empuk, wonten ingkang atos (kados watu).[1]
| 250px Dorokdok | |
| Panggonan asal | Nusantara |
|---|---|
| Woworan pokok | Tepung |
 Buku masakan: Kerupuk  Médhia: Kerupuk | |
Bahan mentah dorokdok piyambak punika saking sisitan daging ingkang nèmpèl saking kulit sapi ingkang tembé dugi saking penjagalan sadèrèngipun dipuntambahi sarem. Dados saged dipunatraken bilih dorokdok ingkang mawi bahan baku mentah ingkang wonten ugi kandhutan gizinipun, amargi wonten daging sapi lan gajih (lemak) sapi. Kedah dipunwontenaken panalitèn ingkang linuwih menawi badhé mangertosi langkung kathah babagan kandhutan gizi ing sajroning dorokdok.[1] Nanging dorokdok punika dèrèng saged dipunolah kanthi terus-terusan lan boten saged dipunrembakakaken (dipunkembangaken) kanthi ageng amargi stok lan pasokan ingkang boten tamtu saking tiyang ingkang dados pengepul kulit sapi.[1] Amargi dorokdok punika kalebet industri rumah tangga ingkang tasih dipunwastani tasih alit. Kanggé manggihaken dorokdok punika kalebet awis. Menawi dipunetang saben kilonipun punika saged dugi atusan èwu. Amargi sudanipun saking bahan mentah dhateng bahan dados punika saèstu kathah.[1]