Elizabeth saking Rusia

Yelizaveta (Yelisavet) Petrovna (Basa Rusia: Елизаве́та (Елисаве́т) Петро́вна) (29 Dhésèmber 1709 – 5 Januari 1762), utawi Elizabeth saking Rusia, punika ratu Rusia (1741 – 1762) ingkang ngasta negarinipun wonten ing salebeting Perang Pewaris Austria (1740 – 1748) lan Perang Pitung Taun (1756 – 1763). Pulitik lebet-negarinipun ngidinaken para bangsawan dados dominan ing pamaréntahan lokal kanthi nyendhakaken mangsa pelayanan dhumateng nagari. Panjenenganipun nyurung madegipun Universitas Moskwa déning Mikhail Lomonosov lan madegipun Akademi Seni Imperial déning Ivan Shuvalov ing St. Petersburg. Panjenenganipun ugi nelasaken artos kathah kanggé proyèk agung barok saking arsitek favoritipun, Bartolomeo Rastrelli, mliginipun ing Peterhof lan Tsarskoye Selo. Kedhaton Mangsa Asrep lan Katedral Smolny minangka patilasan utami saking mangsa pamaréntahanipun ing St. Petersburg. Ratu Elizabeth minangka salah satunggilipun monarki Rusia ingkang paling dipuntresnani déning rakyatipun amargi boten ngidinaken tiyang Jerman mengku jabatan wonten ing salebeting pamaréntahan lan boten wonten satunggal kémawon tiyang ingkang dipunpatrapi ukum pati ing mangsa kakuwasanipun.

Elizabeth
Lukisan foto gawéan Charles van Loo
Maharani lan Otokrat saka panjuru Rusia
Panjenengan	6 Dhésèmber 1741–5 Januari 1762 (&&&&&&&&&&&&&020.&&&&&020 taun, &&&&&&&&&&&&&030.&&&&&030 dina)
Pamakuthan	6 Maret 1742
Leluhur	Ivan VI
Panerus	Peter III
Spouse	Alexey Razumovsky
Wangsa	Dinasti Romanov
Bapa	Peter I dari Rusia
Ibu	Catherine I dari Rusia