Esino Lario
Esino Lario iku sawijining comune ing Provinsi Lecco, Lombardia Italia. Dunungé kurang luwih 60 kilomèter saloring Milano, 15 kilomèter salor kuloné Lecco lan 4,3 kilomèter saka Tlaga Como. Ing Dhésèmber 2004, désa iki ndarbèni sing ndunungi 772 jiwa lan ambané wilayahé ana 18,7 kilomèter pasagi. Comune iki uga ngambah frazioni Bigallo lan Ortanella.
Wilayah sakiwa-tengené Esino Lario iku diubengi déning pagunungan Alpen, ing ngendi lanskap karst wis marai anané bolongan lemah lan guwa, kalebu "lemari ès Mocodeno".[1] Comune iki bagéaning Komunitas Gunung Valsassina, Valvarrone, Val d'Esino lan Riviera lan kabèh iku kalebu sajeroning "Taman Régional Grigna Lor" (Parco delle Grigna Settentrionale).
Esino Lario mawatesan karo comune Cortenova, Lierna, Mandello del Lario, Parlasco, Pasturo, Perledo, Primaluna, Taceno, lan Varenna.
Pamaréntah besut
- Pratélan para lurah ing Esino Lario
| Période | Lurah | Parté | |
|---|---|---|---|
| Giulio Nasazzi | |||
| 1956 | 1975 | Pietro Pensa | Pratélan warga Stella Alpina |
| 1975 | 1980 | Giuseppe Bertarini | |
| 1980 | 1990 | Carlo Maria Pensa | Kristen Démokrat |
| 1990 | 1999 | Giovanni Grosso | Kristen Démokrat |
| 1999 | 2006 | Constant Grassi | Pratélan warga |
| 2009 | 2014 | Giovanni Dell'Era | Pratélan warga |
| 2014 | 2015 | anggota komisi* | anggota komisi* |
| 2015 | saiki | ? | ? |
*Ing Mèi 2014 ora ana lurah sing dipilih amarga ora ana caloné.[2]
Ékonomi besut
Tani besut
Miturut sujarah, aktivitas utama ékonomi Esino Lario iku ana gandhèngané karo budidaya alas kayu eik lan hornbeam. Esino Lario iku péranganing golongan désa Grigne sing masok areng kang produksi wesi ing Valsassina. Olèhé ngurusi alas minangka komoditas umum iku ciri khasé Esino, manawa dipadhakaké karo tlatah saubengé; alas-alas isih darbèné désa lan panrapané didum antara sing ndunungi lan diwarisaké turun-tumurun.
Pariwisata besut
Pariwisata ing Esino Lario diwiwiti ing pungkasané abad kaping 19, lan diwiwiti déning biyarawan Antonia Stoppani lan para nimpuna géologi kapisan sing nliti fosil-fosil ing Grigne.
Désa iki dadi panitya Wikimania, konferènsi taunan Wikimedia, ing sasi Juni 2016.[3]
Tengeran wigati besut
Omah ngibadah besut
- Cabang gréja San Giovanni Battista (Santo Yohanes Pambaptis)
- Gréja San Vittore (Esino Lario)
- Gréja San Pietro ing Ortanella. Situs iki ndarbèni kawigatèn sajarah lan arkéologis sing dhuwur.[4]
Transportasi besut
Esino Lario iku diladèni déning dalan sing kapacak ing ngisor iki:
Lapangan montor mabur sing cedhak dhéwé ya iku:
Stasiun sepur sing cedhak dhéwé ya iku Varenna-Esino, sing adohé 12 kilomèter saka désa iki.
Réferènsi besut
- ↑ http://hl.altervista.org/split.php?http://ingrigna.altervista.org/docs/Grottesco/g55-3.pdf
- ↑ "Esino senza sindaco, la Prefettura nomina il commissario" . Lecconotizie. Diarsip saka sing asli ing 26 June 2015. Dibukak ing 2 February 2015.
- ↑ "Clamoroso: Esino Lario Capitale di Wikipedia nel 2016. Battuta Manila!!!" (ing basa Italia). Lecco News. 24 December 2014. Dibukak ing 31 January 2015.
- ↑ Guides Italy: Lombardy (édhisi ka-9th). Italian Touring Club. 1987. kc. 338.
Pranala njaba besut
|
Médhia saka Commons |
|
Panuntun lelungan saka Wikivoyage |
|
Data saka Wikidata |