Wikipédia

Festival Gadhimai

Festival Gadhimai inggih punika fèstival Hindhu ingkang dipunadani saebn gangsal taun sapisan wonten ing candhi Gadhimai Bariyapur, Distik Bara, sakitar 100 miles (160 km) kidul kutha krajan Kathmandu ing Nepal pérangan kidul. Perayaan punika nglibataken pisungsung kéwan (ngambah kebo, babi, wedhus, ayam, lan dara) paling ageng ing donya ingkang gadhah ancas saperlu nengsemaken Gadhimai, dèwi kekuasaan.[1]

Festival Gadhimai
Festival Gadhimai
DipèngetiHindhu
JinisHindhu
AncasNengsemaken déwi Gadhimai
PèngetanPersembahan kéwan ing Bariyapur, Nepal
Tanggal ing 2024date missing (please add)

Dèskripsi besut

Sakitar 5 yuta tiyang ndhèrèk partisipasi wonten ing fèstival punika kanthi mayoritas tiyang India saking praja Uttar Pradesh lan Bihar. Para tiyang punika ngrawugi fèstival ing Nepal amargi pisungsung kéwan wonten ing ritual punika dipuncekal ing nagara India.[2][3] Para umat pitados kéwan ingkang dados sesembahan kanggé Dèwi Gadhimai badhé mungkasi kanisthan lan mbekta kasajahtran.[4]

Satunggal wulan sadèrèngipun ritual wonten ing taun 2009, pamarèntah Nepal ngandharaken bilih badha kadadosan "kekirangan" ménda kanggé ritual pisungsung, makaten ugi kanggé konsumsi daging ménda sadanguning fèstival. Pamarèntah lajeng ngimbau lumantar radhio supados para peternak nyadé kéwan-kéwanipun.[5]

Fèstival dipunwiwiti tanggal 24 November 2009, lan pisungsung kéwan pungkasan ing tanggal 25 November, kanthi pandhita kepala candhi nindakaken ritual pisungsung Saptabali ingkang ngambah pisungsung tikus putih, dara, ayam lanang, bèbèk, angsa, lan kerbo lanang. Langkung saking 20.000 kerbo dipundadosaken pisungsung wonten ing dinten pisanan.[6] Dipunprakirakaken 300.000 dumugi 500.000 kéwan dipundadosaken kurban sadanguning fèstival Gadhimai taun 2009.[2] Ritual pengorbanan dipuntindakaken déning langkung saking 200 tiyang kakung ing griya jagal beton ing cake candhi.[7] Tigang putra peziarah ingkang rwauh kanggé mirsani fèstival Gadhimai séda amargi hawa dingin èkstrim.[6] 6 tiyang séda sasampunipun ngunjuk "nonsen" campuran.[3]

Fèstival punika micu sajumlah protès saking aktivis kéwan. Wonten ing taun 2009, sajumlah aktivis kalebet ing antawisipun, Brigitte Bardot lan Maneka Gandhi nindakaken usaha kanggé mandhegaken ritual punika kanthi hyerat dhateng pamarèntah Nepal kanggé mandhegaken pengorbanan.[8][9] Satunggaling punggawa pamarèntah paring komèntar bilih pamarèntah boten badhé "ndhèrèk campur wonten ing tradisi masarakat ingkang sampun lumampah kanthi wekdal ingkang dangu sanget".[2] Ram Bahadur Bomjon, ingkang dipunklaim déning para pengikutipun minangka reinkarnasi Buda, ngandharaken badhé sami ngupaya mandhaegaken pisungsung wonten ing fèstival, ngkotbahaken anti-sikara, lan paring pemberkatan ing papan punika.[10][11] Janjinipun punika micu pamarèntah ngirim wadyabala tambahan kanggé nyegah insidèn, nanging Bomjon boten medal.[11]

Sasampuning fèstival, daging, balung, lan kulit saking kéwan ingkang dados pisungsung dipunsadé dhateng parusahan pangolahan lan pangulitan ing India lan Nepal.[1] Sajumlah anggota kasta 'dalit' saking golongan 'Chamar' (penyamak kulit) biyasa dhahar daging kerbo saking karaméan. Taun punika éwadéné medal protès saking golongan Dalit lan usaha pemboikotan konsumsi daging déning para dalit, kathah dalit ingkang ngunjungi candhi lan mendhet daging kanggé dipunkonsumsi.

Cathetan suku besut

Wikiwarta duwé warta sing gegayutan: Ritual sacrifice in Nepal sees 320,000 animals slaughtered to Hindhu goddess
  1. ↑ a b Jolly, Joanna (24 November 2009). "Devotees flock to Nepal animal sacrifice festival". BBC. Dibukak ing 24 Maret 2013.
  2. ↑ a b c "Gadhimai festival begins despite protests in Nepal". The Hindu. 24 November 2009. Diarsip saka sing asli ing 26 November 2009. Dibukak ing 24 Maret 2013.
  3. ↑ a b Sarkar, Sudeshna (24 November 2009). "Indians throng Nepal's Gadhimai fair for animal sacrifice". The Times of India. Dibukak ing 24 Maret 2013.
  4. ↑ "Gadhimai Festival: Nepal Mass Animal Sacrifice Festival To Go Ahead Despite Protests". The Huffington Post. 20 November 2009. Dibukak ing 24 Maret 2013.
  5. ↑ "Nepal hit by severe goat shortage". BBC. 15 September 2009. Dibukak ing 24 Maret 2013.
  6. ↑ a b "Over 20,000 buffaloes slaughtered in Gadhimai festival". NepalNews.com. 25 November 2009. Dibukak ing 24 Maret 2013.
  7. ↑ Xiang, Zhang. "Gadhimai festival begins in central Nepal". Xinhua News Agency. Dibukak ing 24 Maret 2013.
  8. ↑ "Bardot appeal over animal slaughter at Nepal festival". BBC. 20 November 2009. Dibukak ing 24 Maret 2013.
  9. ↑ Bhanot, Anil (25 November 2009). "The Gadhimai sacrifice is grotesque". The Guardian. Dibukak ing 24 Maret 2013.
  10. ↑ "Sacrifice of 200,000 Animals Proceeds Despite Pleas, Prayers". Environment News Service. 22 November 2009. Dibukak ing 24 Maret 2013.
  11. ↑ a b "Buda boy fails to turn up at Gadhimai". Republica. 20 November 2009. Dibukak ing 24 Maret 2013.


Dijupuk saka "https://jv.wikipedia.org/w/index.php?title=Festival_Gadhimai&oldid=1642454"