Wikipédia

Frederick Denison Maurice

John Frederick Denison Maurice (1805-1872) ya iku sawijining teolog Inggris lan uga dadi tokoh pemimpin obahan sosialis.[1] Dhèwèké ditahbiske nalika taun 1834, dhèwèké uga dadi tokoh kang misuwur ana ing babagan intelektual lan sosial ing Kutha London.[2] Dhèwèké uga mèlu mènèhi sumbangan ana ing babagan pendidikan ing Queen's College kanggo pendidikan perempuan (1848), lan Men's College (1854).[2] Nalika taun 1853 dhèwèké ngetokaké esai-esai téyologi lan uga mèlu ana ing Gerakan Kristen Sosialis.[2] Kanggo Maurice, gagasane kang ngenani Karajan Kristus (The Kingdom of Christ) dudu ngenteni tekane Kristus kang kaping lorone nanging realita iki wis ana ing sajarah manungsa.[2] Etika lan téyologi moral kang duwé peran wigati ana ing karya-karya tulise kang isiné luwih akèh perhatiane marang iman Kristen lan panguripan moral.[2] Ana ing The Kingdom of Christ, tulisané kang paling misuwur, Maurice mènèhi argumen yèn persekuthuan manungsa padha manungsa dadi èksprèsi lan kaca benggala saka persekuthuan manungsa karo Allah.[2] Persekuthuan manungsa padha manungsa kang rusak, njalari rusake uga gayutan antarané manungsa karo Allah.[2]

Frederick Denison Maurice
Lair(1805-08-29)29 Agustus 1805
Normanton Suffolk
Pati1 April 1872(1872-04-01) (umur 66)
PakaryanTeolog, Tokoh Sosialis

Cathetan suku

besut
  1. ↑ {en} J.Philip Wogaman. 1994. Christian Ethics. London:SPCK. Hlm. 173.
  2. ↑ a b c d e f g {en} F.D Maurice. 1995. Reconstructing Christian Ethics.Louiville: Westerminster Jhon Knox Press. Hlm. xix.


Dijupuk saka "https://jv.wikipedia.org/w/index.php?title=Frederick_Denison_Maurice&oldid=1627341"