Galang Hendra Pratama

Galang Hendra Pratama (miyos wonten ing Yogyakarta, 10 Maret 1999) inggih punika juru balap enèm saking Indonésia. Piyambakipun inggih punika juru balap ingkang sepindhah saking sèri Kejuaraan Supersport 300 (300-600) ingkang dados juwara sepindhah wonten ing salah satunggaling Kejuaraan Balap Motor Dunia Superbike 2018, inggih punika ing sèri Cèko, Sirkuit Automotodrom Brno, Cèko.^[1]

Kauripan

Galang Hendra Pratama, akrab dipunsebat Galang, inggih punika putra saking kaluwarga juru balap. Ibunipun, Desy Prasanti inggih punika juru balap ing éra 1990-an. Lajeng bapakipun, Dicky Hestu inggih punika juru balab éra 1980 ngantos 1990-an. Eyangipun inggih juru balap ugi, inggih punika Triyanto salah satunggaling pebalap Motorkros ing éra 1970 ngantos 1980-an. Pramila saking menika, boten saged dipuntampik menawi Galang punika wiwit alit sampun remen tumut lomba balap motor ing tingkatan dhaérah ngantos nasional.

Wonten ing proses angupaya kagem nggayuh cita-cita, mboten namung kasil kemawon ingkang dipungayuh, ananging alangan punika inggih diraosaken déning Galang. piyambakipun naté angsal alangan ingkang njalari gulunipun ceklèk. Alanganipun inggih punika kedadéyan nalika tumut sèri Purwokerto, kejurnas taun 2014. kedadosan punika ndadosaken Galang mboten mandhek anggenipun balapan.

Galang dipuncém dening tim Yamaha wiwit taksih umur sanga tahun. Amargi piyambakipun menang wonten ing Kejuaraan Nasional kelas MP4 ing taun 2013. Nalikanipun sampun kraos cekap saha mateng, Galang nglajengaken tumut ing Kejuaraan tingkat Asia, inggih punika ing Kejuaraan Road Race Asia kelas 250 cc wiwit taun 2015. Piyambakipun angsal préstasi ingkang saé, inggih punika juara 10 ing taun 2015, juara 5 ing taun 2016, saha juara 4 ing taun 2017. Amargi prestasinipun ing taun 2016, Galang angsal kalodhangan gladhèn wonten ing VR46 Riders Academy, inggih punika sekolah balap motor ingkang dipunbangun déning legenda juru balap motor, Valèntino Rossi. Galang sesarengan kaliyan kancanipun, Immanuèl Putra Pratna, dipungladhi kanthi cara langsung dening Rossi ngantos kalih minggu wonten ing Tavullia, Italia. Sakmenika kalodhangan ingkang sepindhah kagem juru balap Indonesia dipungladhi dening juwara dunia kaping pitu MotoGP kasebut.

Karir

Galang inggih punika juru balap ingkang cerak kaliyan kejuaraan balap motor ingkang saé piyambak wonten ing donya, inggih punika MotoGP. Amargi sakmenika piyambakipun nembé wonten ing Kejuaraan Dunia Supersport 300 inggih punika kelas andhap saking papan kelas ingkang dianakaken sayembara Superbike. Tiga kelas wonten ing inggilipun inggih punika Kejuaraan Dunia Superbike, Supersport, saha Piala Kejuaraan Superbike kasebut nggadhahi popularitas ingkang namung kalah saking MotoGP. Umumipun, juru balap ingkang suksès wonten ing Superbike punika dipunpindah wonten ing MotoGP, kados Colin Edwards (Amèrika Serikat) saha Nicky Hayden (Amèrika Serikat)

Sakmenika, Galang sampun nggadhahi prestasi ingkang cekap suminar wonten ing Superbike. Piyambakipun wiwit saking mlebet ing Superbike minangka juru balap wildcard nalikanipun taun 2017. Ing taun punika, Galang namung angsal kalodhangan wonten ing kalih sèri, inggih punika nalikanipun wonten ing Sirkuit Portimao, Portugal, saha Sirkuit Jerez. Kamangka mboten kasil wonten ing Portimao, nalikanipun balapan Jerez wonten ing taun wingi piyambakipun saged mbuktèkaken menawi piyambakipun saha medal minangka juwara. Babagan punika njalari Galang dados bahan omongan ingkang anget wonten ing donya balap motor internasional. Amargi sanésipun taksih enèm sanget, namanipun dérèng naté dipuntepangi. piyambakipun inggih saking nagara ingkang boten nggadhahi sejarahipun prestasi ngenani balap motor wonten ing internasional.

Galang punika sinau mahami sirkuit-sirkuit saking playstation. Kabiyasaan punika, saged ndamel Galang angsal kalodhangan tumut wonten ing Superbike 2018. Senaosa mboten naté nyobi sedaya sirkuit ingkang kasedya. Piyambakipun kinten-kinten saged nggayuh podium. Puncakipun, piyambaké saged medal minangka juwara kapisan wonten ing sèri Ceko. Sakmenika, Galang wonten ing urutan gangsal klasemen ing kaping gangsal balapan saking wolu seri taun punika. Galang wonten ing andhapipun sekawan juru balap sanesipun, inggih punika juru balap Kawasaki, Ana Carrasco (Spanyol); juru balap Kawasaki, Scott Deroue (Walanda); juru balap Kawasaki, Mika Perez (Spanyol); dan juru balap KTM, Koen Meuffels (Walanda).

Prèstasi

Juwara 10 Kejuaraan Road Race Asia kelas 250 cc wonten ing taun 2015
Juwara 5 Kejuaraan Road Race Asia kelas 250 cc wonten ing taun 2016
Juwara 4 Kejuaraan Road Race Asia Kelas 250 cc wonten ing taun 2017

Rujukan

↑ fajriansyah, adrian (2018-07-05). "Galang Hendra Pratama, "Valentino Rossi" dari Yogyakarta". Kompas. {{cite web}}: Missing or empty |url= (pitulung)

[1] riansyah, adrian (2018-07-05). "Galang Hendra Pratama, "Valentino Rossi" dari Yogyakarta". Kompas. {{cite web}}: Missing or empty |url= (pitulung)

[1]