Gelombang mikro

Gelombang mikro utawa Mikrogelombang (microwave) iku gelombang elektromagnetik kanthi frekuensi super dhuwur (Super High Frequency, SHF), ya iku frekuensi sakdhuwuring 3 GHz (3x10⁹ Hz).

Yèn gelombang mikro diserap déning siji barang, bakal muncul èfèk pamanasan sajeroning barang mau. Yèn panganan nyerep radhiasi gelombang mikro, panganan banjur dadi panas lan mateng ing sajeroning wektu sedhéla banget. Prosès iki sing dimanfaataké sajeroning oven microwave.

Gelombang mikro uga dimanfaataké sajeroning RADAR (Radio Detection and Ranging). RADAR dipigunakaké kanggo nggolèki lan nemtokaké tapak utawa panggonan siji barang nganggo gelombang mikro kanthi frekuensi watara 10¹⁰ Hz.