Genta Raja Seongdeok
Koordhinat: 35°49′46.47″N 129°13′40.54″E / 35.8295750°N 129.2279278°E
Genta Raja Seongdeok (성덕대왕 신종) inggih punika satunggaling genta perunggu raksesa ingkang wonten ing Gyeongju, Koréa Kidul.[1][2] Genta punika kalebet ingkang paling ageng ing Koréa. Genta mau nggandhul ing satunggaling paviliun plataran Musiyum Nasional Gyeongju, Provinsi Gyeongsang Utara.
Sajarah
besutUgi dipunparingi nama Genta Emille, Genta Bongdeoksa utawiGenta Suci Raja Seongdeok, dipundamel awit saking préntahipun Raja Gyeongdeok (tahta 742-765), raja kaping 35 saking kraton Silla minangka wujud bakti dhumateng sang bapak, Raja Seongdeok (?-737, tahta 702-727). Raja Gyeongdeok séda sadèrèngipun genta punika rampun kadamel lan dipunlajengaken déning Raja Hyegong dumugi kapungkasan ing taun 771.[2]
Swantun genta
besutGenta Raja Seongdeok ngasilaken swantun ingkang anhap nanging saged betah dumugi tigang menit, durasi ingkang paling dangu ing donya. Nalika wanci dalu, dentang lonceng utawi genta saged mrambat kanthi tebih 3 km. Wonten ing Basa Silla, Emille ateges "ibu".[3] Miturut legenda, genta mau boten medalaken swantun nalika rampung kapisan. Pendéta kepala paring dhawuh supados genta mau dipunlèlèhaken malih lan miturut mimpinipun, piyambakipun nguncalaken setunggaling laré ing jeronipun.[3] Nalika genta rampung, swantunipun kados tangisan bayi ingkang swantunipun "emille".
Keunikan
besutKanggé damel genta, kirang langkung mbetahaken 27 ton perunggu. Nanging tèhnik anggènipun damel taksih dados misteri déning para ilmuwan masa sapunika.[2] Genta kanthi ukuran sami saged dipundamel tanpa awrat, nanging kedah kaliyan pambiyantu tanur inggil lan perlengkapan modhèren. Genta kanthi dhuwur 3,75 mèter lan bobot dumugi 19 ton punika dipungandhulaken ngginakaken tangaki wesi kanthi diameter 8,5 cm. Nalika taun 1975 nalika dipunpindhah saking papan sadèrèngipun (Kuil Bongdeok) dhateng Museum Nasional Gyeongju, satunggaling usaha dipunlampahi kanggé nggantos tangkai ingkang sampun sepuh. Nanging dados awrat amargi cincin ing tangkai kanggé nggantung namung mawi diameèter 9 cm.
Cathetan suku
besut- ↑ Emille bell, parandeul.
- ↑ a b c Fifty Wonders of Koréa, Volume 1 - Culture and Art (PDF) (édhisi ka-1). Korean Spirit & Culture Promotion Project. 2007. kc. 82–87.
- ↑ a b Gyeongju National Museum, lifeinkorea.
Pranala njawi
besut- Sacred Bell of King Songdok-wang Archived 2010-09-06 at the Wayback Machine.
- History and Legend of Emille Bell