George Boole ya iku sawijining ahli matematika, filsuf, lan logika saka Inggris kang lair tanggal 2 Novèmber 1815 lan tilar donya tanggal 8 Dhésèmber 1864. Ing taun 1849-1864, dhèwèké nyambut gawé dadi sawijining Profèsor ing Queen's College, Cork ing Irlan. Pagawéyané akèh kang gegayutan karo differential equations lan logika aljabar. Saliyané iku Boole uga kondhang minangka panulis The Laws of Thought (1854) kang isiné mratèlakaké bab Aljabar Boolean. Logika Boolean diakoni minangka bebaku saka jaman informasi. [4][5]

George Boole
George Boole color.jpg
Boole, u. 1860
Lair(1815-Cithakan:NOMORBULAN-02)2 Novèmber 1815
Lincoln, Lincolnshire, Inggris
Pati8 Dhésèmber 1864(1864-12-08) (umur 49)
Ballintemple, Cork, Irlan
BangsaInggris
WiyataBainbridge's Commercial Academy[1]
BojoMary Everest Boole
KalaFilsafat abad ka-19
TlatahFilsafat Kulonan
AliranLogika aljabar Inggris[2]
BebadanLincoln Mechanics' Institute[3]
Queen's College, Cork
Karsa pokok
Matematika, logika, filsafat matematika
Gantha misuwur
Aljabar Boolean

Kauripan wiwitanBesut

Boole lair ing Lincoln, Lincolnshire, Inggris, anak saka John Boole (1779–1848), sawijining tukang gawé sepatu,[6] lan Mary Ann Joyce.[7] Dhèwèké sekolah SD nganti SMP, uga nampa ajaran saka bapaké, nanging amarga bisnis bapaké mrosot, dhèwèké ora bisa éntuk pandhidhikan formal lan akademik kang suwi.[8]

LogikaBesut

Lumantar logika aljabar, Boole nemokaké logika simbulis modhèren. Boole ndadèkaké logika dadi sawijining matematik kang nganggo simbul-simbul idhéografis. Dhèwèké nuli nyusun sawijining sistem penalaran kang ngowahi katrangan-katrangan kang ana dadi sawijining persamaan. Kanthi persamaan iki dhèwèké bisa njupuk dudutan.

Logika kang dikembangaké déning Boole iki nyinaoni bab asas-asas penalaran kang bener lan migunakaké simbul-simbul tartamtu. Yèn dibandhingaké karo logika tradhisionalé Aristotèles, logika modhèren kang dikembangaké Boole iki luwih lumrah utawa umum. Logika iki uga logika kang nyinaoni wujud-wujudé pernyataan, dudu nyinaoni isiné pernyataan. Dadi logika modhèren iki sejatiné uga logika formal kang nganggo simbul-simbul matematik, mula logika iki uga dikenal minangka logika matematik.[5]

KaryaBesut

Karyané Boole kang kawentar ya iku An Investigation of the Laws of Thought, on Which Are Founded the Mathematical Theories of Logic and Probabilities kang dibabar taun 1854. Saliyané iku, The Mathematical Analysis of Logic: Being an Essay Towards a Calculus of Deductive Reasoning kang ngamot bab logika aljabar, uga minangka sawijining karyané kang wigati.[5]

PatiBesut

Ing pungkasané Novèmber 1864, Boole lagi mlaku nalikané udan deres, saka omahé ing Lichfield Cottage ing Ballintemple[9] menyang pawiyatan luhur kang adohe udakara 4,8 kilomèter. Nalika kuwi, klambi kang dinggo dhèwèké dadi klebus.[10] Amarga kuwi dhèwèké banjur lara, lan nandang pneumonia. Kaanané Boole dadi luwih parah lang ing tanggal 8 Dhésèmber 1864,[11] dhéwèké tilar donya amarga demam uga anané éfusi plèura. Dhèwèké dikubur ing pakuburan Gréja Irlan Santo Michael, Church Road, Blackrock (sawijining suburb ing Cork).[12]

RujukanBesut

  1. John J. O'Connor lan Edmund F. Robertson. George Boole ing MacTutor archive.
  2. Ivor Grattan-Guinness (ed.), Companion Encyclopedia of the History and Philosophy of the Mathematical Sciences, Routledge, 2002, ch. 5.1.
  3. "Society for the History of Astronomy, Lincolnshire". Retrieved 2 September 2019.
  4. Boole, George (2012). Studies in Logic and Probability. New York: Dover Publication. p. 273. ISBN 978-0-486-48826-4.
  5. a b c Asdi, Endang Daruni; Aksa, A. Husnan (1982). Filsuf-filsuf Dunia dalam Gambar. Yogyakarta: Karya Kencana. pp. 40–41.
  6. "John Boole". Lincoln Boole Foundation. Archived from the original on 8 March 2016. Retrieved 6 November 2015.
  7.   Chisholm, Hugh, ed. (1911). "Boole, George" . Encyclopædia Britannica (11 ed.). Cambridge University Press.
  8. C., Bruno, Leonard (2003) [1999]. Math and mathematicians : the history of math discoveries around the world. Baker, Lawrence W. Detroit, Mich.: U X L. p. 49. ISBN 0787638137. OCLC 41497065.
  9. "Dublin City Quick Search: Buildings of Ireland: National Inventory of Architectural Heritage".
  10. Barker, Tommy (13 June 2015). "Have a look inside the home of UCC maths professor George Boole". Irish Examiner. Retrieved 6 November 2015.
  11. "George Boole". Encyclopædia Britannica. Encyclopædia Britannica, inc. 30 January 2017. Retrieved 7 December 2017.
  12. "Death-His Life-- George Boole 200".