George Eastman
George Eastman ya iku penemu kodak.[1] George Eastman lair tanggal 12 Juli 1854 ing Waterville, cedhaké New York, Amérikah Sarékat.[1] Kulawargané dhèwèké kagolong mlarat.[1] Nalika dhèwèké isih enom, dhèwéké nyambut gawé minangka punggawa arsip.[1] Sawisé nyambut gawé, Eastman sinau kuntansi.[1] Nalika umuré 24 taun, dhèwèké nyambut gawé minangka pegawé yunior ing sawijining bank.[1] Sawijining dina, Eastman lunga menyang Santo Domingo, kepuloan Karibia, saperlu cuti.[1] Dhèwèké dikon kancané supaya ndokumèntasèaké cutiné mau sarana poto.[1] Nalika iku, piranti fotografi angèl tinemu amarga ukurané kang gedhé.[1]
| George Eastman | |
|---|---|
 | |
| Lair | 12 Juli 1854 Waterville, New York, U.S. |
| Pati | Maret 14, 1932 (umur 77) Rochester, New York, U.S. |
| Ashes buried at Kodak Park | |
| Bangsa | American |
| Pakaryan | Businessman, inventor, philanthropist |
| Kondhang ing | Photography pioneer, Founder of Eastman Kodak |
| Wong tuwa | George Eastman (1815-1862) & Maria Kilbourn (1821-1907) |
Nalika taun 1880, Eastman kasil anggoné matènaké panemoné ya iku kodak, kang digawé ana ing pawoné ibuné.[2] Ing sasi Juni taun 1888, potoné mau diarani kodak. Akèh wong kang takon ngenani mula bukané jeneng Kodak. Aku ngarang dhéwé jeneng mau. Aku seneng banget karo hurup K, yèn dirungokaké rasané manteb.[2] Banjur aku ngotak-atik hurup K mau supaya ana ing wiwitané tembung lan ana ing pungkasané tembung, ngono wangsulané Eastman.[2] Pancen bener, sawisé poto mau dijenengi Kodak, akèh wong kang kepéncut karo Kodak.[2] Kodak tansah laris ing masarakat nganti Eastman dadi wong kang sugih lan misuwur.[2] Sanajan kaya ngono, Eastman tetep dikenal minangka wong kang gemi, lan seneng tetulung.[2] Eastman tinggal donya tanggal 14 Maret 1932.[2]