Gilo

Gilo (Ibrani: גילֹה‎) iku pakampungan Yahudi ing Yerusalem Wétan. Tlatah iki ndarbèni sing ndunungi kurang luwih 40.000 jiwa. Komunitas internasional mandheng manawa Gilo iku pamukiman ilegal Israèl, nanging Israèl sélak. Gilo anyar diadegaké ing taun 1973, nanging èkskavasi arkéologis nudhuhaké manawa situs iki wis dienggoni wong wiwit Jaman Wesi I, Jaman Romawi, Bizantium lan nganti saiki. Nganti taun 1917 tlatah iki darbéné Kakaisaran Ottoman banjur sawisé iku dadi laladan Mandat Palèstina Britania. Ing taun 1948, tlatah iki dadi tlatah Yordania. Sawisé Perang Enem Dina ing taun 1967, Israèl nguwasani tlatah iki lan dicaplokaké kanggo Yerusalem. Gilo iku dunungé sakidulé kampung Arab Beit Safafa lan saloré kutha Beit Jala ing Gisik Kulon.

Sawijining dalan ing Gilo