Wikipédia

Girl Scout (filem)

Girl Scout (Hangul: 걸스카우트; RR: Geolseukauteu) inggih punika sesirah filem sandiwara komidi saking Koréa Kidul ingkang dipundamel ing taun 2008. Filem punika nyariyosaken sekawan wanita ingkang madosi tiyang ingkang sampun mbeta arta kagunganipun sekawan wanita wau. Para paraga ingkang kadhapuk ing filem punika antawisipun Kim Sun-a, Na Moon-hee, Lee Kyung-sil, Go Joon-hee, Park Won-sang, Im Ji-eun, lan sanèsipun. Girl Scout dipunbabar ing tanggal 5 Juni 2008.[2][3][4]

Girl Scout
DisutradaraniKim Sang-man
DiprodhuseriSim Bo-gyeong
Ditulis déningKim Seok-joo
DibintangiKim Sun-a
Na Moon-hee
Lee Kyung-sil
Go Joon-hee
DimusikiKim Sang-man
SinématografiSeong Seung-taek
Dibesut déningKim Sang-bum
Kim Jae-bum
Dibabar déningLotte Entertainment
Tanggal metu
Suwéné
100 menit
NagaraKoréa Kidul
BasaBasa Koréa
KalarisanUS$1,523,142[1]

Latar wingking

besut

Girl Scout nyariyosaken satunggalipun kadadéan ing Bongcheon-3 dong, kawasan kumuh ing Seoul, Koréa Kidul. Kacariyosaken, wonten sekawan wanita inggih punika I-man (Na Moon-hee), yuswanipun sewidak taun ingkang nyambut damel wonten toko swalayan kanggé nguripi putrané ingkang nganggur, Bong-segera (Lee Kyung-sil), randha ingkang manggèn sareng putranipun ingkang saweg nandang sakit, Mi-Kyung (Kim Sun-a), randha; lan Eun-ji (Go Joon-hee), nyambut damel dados caddy. Sekawan wanita punika gadhah tekad ngempalaken arta kanggé mbikak toko ing sakiwa-tengené griyanipun, lan punika kekajengan satunggal-satunggalipun. Nanging panggayuh punika pupus nalika satungalipun sarékat kredit, Hye-ran (Im Ji-eun), nyolong arta celengan kagunganipun sekawan wanita punika. Salajengipun, dumadi tim ingkang kasebat Bong Chon Girl Scout kanggé ngoyak tiyang ingkang sampun nyolong artanipun. Karuwetan mboten saget dipunselaki.

Girl Scout dipunbabar kanggé sagung para pamirsa ing Koréa Kidul ing tanggal 5 Juni 2008, sasampunipun telat anggènipun badhé mbabar, ingkang limrahipun sasi April. Filem punika mlebet urutan kalima ing box office, kanthi ngempalaken arta US$ 163.122, lan bathi US $ 1.523.142.[1][5][6]

Ingkang maragani

besut

Rujukan

besut
  1. ↑ a b "Girl Scout (2008)". Box Office Mojo. Dibukak ing 2013-05-29.
  2. ↑ Ki, Sun-min (11 June 2008). "No pain, no gain for the streetwise ajumma squad". Korea JoongAng Daily. Dibukak ing 2013-05-29.
  3. ↑ Lee, Hyo-won (29 May 2008). "Girl Scouts Showcases Ajumma Power". The Korea Times. Dibukak ing 2013-05-28.
  4. ↑ Yang, Sung-jin (27 May 2008). "Girl Scout short on comedy, long on realism". The Korea Herald via Hancinema. Dibukak ing 2013-05-29.
  5. ↑ "South Korea Box Office June 6–8, 2008". Box Office Mojo. Retrieved 2008-07-13.
  6. ↑ "Theatrical Releases in 2008: Box-Office Admission Results". Koreanfilm.org. Dibukak ing 2013-05-29.

Pranala njawi

besut


Dijupuk saka "https://jv.wikipedia.org/w/index.php?title=Girl_Scout_(filem)&oldid=1435716"