Golongan tabèl périodik

Golongan tabèl périodik iku kolom vertikal ing tabèl périodik unsur kimia. Tabèl standar tabèl périodik dipérang dadi 18 golongan kang ing antarané kanthi langsung magepokan karo dhèrèt kimia.

Wedharan modèrn ngenani pola tabèl périodik yaiku unsur-unsur sajeroning sawijining golongan duwé konfigurasi orbit elektron paling njaba kang padha. Amarga sabagéan gedhé sipat kimia unsur ditentokaké déning interaksi elektron paling njaba, unsur-unsur kimia ing siji golongan kang padha kapara nduwé sipat fisik lan kimia kang sarupa.