Gréja Fjälkinge

56°02′15″N 14°16′40″E

Gréja Fjälkinge saka njaba

Fjälkinge Church (basa Swèdhen: Fjälkinge kyrka) iku gréja saka abad tengahan ing Fjälkinge, ing provinsi Skåne, Swèdhen. Akèh bagéan gréja iki wis ana wiwit abad kaping 12, lan ing tembé diwèhi tambahan sing digawé ing abad tengahan. Gréja iki ngemot lukisan témbok saka abad tengahan sing ditemokaké lan dirèstorasi ing taun 1967. Gréja Fjälkinge iku kalebu Kabiskopan Lund .

Sujarah lan arsitèktur

Pandulu interior menyang papan kur karo lukisan témbok sing katon

Gréja iki dibangun ing abad kaping 12 lan didhisiki gréja kayu sing dibangun udakara 1130 - 1140. Menara kulon gagrag Romanesque, panti umat, papan kur lan apsis sing kerepé jembar kabèh asalé saka jaman pambangunan; menara dibangun luwih dhisik lan bisa uga mèh kacèk sèket taun luwih dhisik tinimbang sisa gréja liyané. Menara iku dianggep gawéané salah sawijining tukang watu ahli sing mèlu mbangun pambangunan Katédral Lund, Carl stenmästare utawa bisa uga tukang watu ahli sing tanggung jawab kanggo nggawé pambangunan ing Gereja Färlöv . Tata sèlèh jogan, wujude bisa uga dadi kapel pribadi kanggo panguwasa lokal.

Gréja iku dibangun ulang lan diambakaké ing sawetara tahap. Sajroné tengah abad kaping 13, kubah ing plafon papan kur dibangun. Nalika pungkasan abad tengahan, portik gréja katoné dibangun ing ngarepé lawang lumebu lor lan kidul gréja, nanging namung sing sisih kidul panggah kalestarèkaké. <i>Transept</i> ing lor uga ditambahaké ing taun 1763, lan rèstorasi gréja dilaksanakaké ing taun 1832.

Ing saréan ing jarak rada adoh saka gréja iku, ana bangunan abad tengahan liyané, sing asliné bisa dadi bangunan omah, sing suwé ditrapaké minangka dadi gapura pasaréan.

Lukisan témbok

Sajrone rèstorasi gréja ing taun 1967, lukisan témbok abad tengahan ditemokaké ing lapisan kalabur putih kubah plafon gréja. Kabèh digawé udakara antara taun 1475-1500 déning seniman sing ora ditepungi jenengé, sok-sok diarani Fjälkinge Master . Sawisé ditemokaké, lukisan témbok liyané ing Skåne banjur digandhèngaké karo bèngkèl iki. Nanging sumber liya, nyatakaké kabèh iku kalukis déning Nils Håkansson, sawijining seniman sing nggawé lukisan ing Gréja Vittskövle, lan liya-liyané. Lukisan iki padha nuduhaké adegan saka Alkitab. Ing kubah plafon sisih kulon, panyiptaning lan pawakaning manungsa kalukisaké, déné ing kubah plafon wétan kalukis Pangadilan Pungkasan. Gagrag gambaré diarani "naif".

Prabotan gréja

Barang sing tuwa dhéwé ing gréja, yaiku bak baptis Romanesque, sing digawé asalé saka abad kaping 12 lan dipaèsi nganggo figur kéwan kayalan. Rerengga altar digawé taun 1604, lan mimbar gréja katoné saka awal abad kaping 17.

Gladri

• 
  Menara gréja ing sisih kulon.
• 
  Salib swiwi lor Nykyrkan .
• 
  Rerenggané altar.
• 
  Kursi kutbah.
• 
  Bak baptis ing bilik menara.
• 
  Salib kamenangan.
• 
  Gréja saka wétan.
• 
  Gréja saka kulon mawa omag jaga.
• 
  Omah jaga saka tembok sadurungé.
• 
  Gudhang gaman kanthi jendela abad tengahan sing dirékonstruksi.

Pranala njaba

• Médhia magepokan Fjälkinge Church ing Wikimedia Commons
• Situs resmi (ing basa Swèdhen)