Grand Theft Auto V

Grand Theft Auto V utawa kerep dicekak GTA V iku sawijining dolanan komputer kalebu genre aksi-panglelanan kang digawé déning Rockstar North lan kapisan dibabar ing taun 2013 déning Rockstar Games. Kanggo format Playstation 3 lan X Box 360, dolanan komputer iki dirilis ing sasi Sèptèmber 2013, kanggo Playstation 4 lan XBox One ing Novèmber 2014, lan kanggo Microsoft Windows ing sasi April 2015. Dolanan iki kang kapisan dirilis sajeroné séri Grand Theft Auto wiwit Grand Theft Auto IV kang dibabar ing taun 2008.

Dolanan komputer critané prakara telung durjana lan ayahané golèk dhuwit utawa tumindak kadurjanan kamangka digencèt déning para pagawé pamaréntah kang korupsi. Désain dolanan komputer kang tinarbuka iki marahi para juru main bisa bébas anglelana ing tlatah padésan San Andreas lan ing kutha fiktif Los Santos. Los Santos iku dhedhasar kutha Los Angeles.

Béa nggawé lan marketing dolanan komputer iki antara €200 lan €265 yuta. Nalika dirilis, dolanan iki kang larang dhéwé kang tau digawé.[1] Ing dina kapisan, omzèt dolanan iki wis US$800 yuta lan sawisé telung dina GTA V bisa ngasilaké US$ 1 milyar, angka rékor.[2]

Réferènsi besut