Gudheg manggar
Gudheg manggar inggih punika dhaharan khas saking Kabupatèn Bantul, Daérah Istiméwa Ngayogyakarta. Gudheg punika bènten kaliyan gudheg ingkang sampun kawentar ing Indonésia. Bèntenipun bahan utami gudheg manggar saking manggar (sekar klapa) sanès gori (nangka enèm). Wondéné raos lan tèksturipun gudheg manggar punika gurih, garing, kaliyan renyah tinimbang gudheg-gudheg limrah ingkang mligi manis, empuk, kaliyan lembut. Miturut katrangan Direktorat Warisan dan Diplomasi Budaya, gudheg manggar dipun ripta déning Gusti Retna Pembayun utawi Nyai Ageng Mangir Wanabudaya, putrinipun Panembahan Senapati rikala warsa 1600-an.[1][2][3]
| Panggonan asal | Indonésia |
|---|---|
| Tlatah utawa praja | Bantul, Daérah Istiméwa Ngayogyakarta |
| Woworan pokok | Manggar |
 Buku masakan: Gudheg manggar  Médhia: Gudheg manggar | |
Caranipun ndamel besut
Cara ngolah kaliyan bumbunipun inggih sami kaliyan gudheg nangka.[3] Namung bahan utaminipun kémawon ingkang dipun gantos kaliyan manggar. Bahan punika sisah dipun panggihi tinimbang bahan gudheg-gudheg biyasa (nangka enèm). Manggar ingkang dipun pendhet inggih namung manggar ingkang paling enèm kémawon nyebabaken dhaharan punika kagolong langka utawi boten gampil kapanggih tuwin reginipun langkung larang. Kajawi punika, pandamelanipun mbetahaken wekdal gangsal dinten, langkung dangu tinimbang gudheg nangka ingkang namung kalih dinten. Kanggé panyaosanipun saged dipun tambahi kaliyan duduh santen kenthel (arèh), tahu-témpé bacem, ayam kampung, kaliyan sambel gorèng krècèk.[2][4]
Rujukan besut
- ↑ "Gudeg Manggar". Warisan Budaya Takbenda. Diarsip saka sing asli ing 2023-02-07. Dibukak ing 7 Fèbruari 2023.
- ↑ a b Afrillia, Dian (19 Novèmber 2021). "Uniknya Gudeg Manggar Khas Bantul yang Tidak Berbahan Nangka Muda". Good News From Indonesia. Dibukak ing 7 Fèbruari 2023.
- ↑ a b Sabandar, Switzy (9 Juli 2021). "Menikmati Gudeg Manggar, Kuliner Perlawanan Khas Bantul". Liputan6.com. Dibukak ing 7 Fèbruari 2023.
- ↑ Purwoko, Trisna (27 Sèptèmber 2021). "Mencicipi Gudeg Manggar, Kuliner Khas Putri Kerajaan Mataram Islam". iNews Yogyakarta. Dibukak ing 7 Fèbruari 2023.