Haim (bèn)

Haim (diucapaké HY-əm, /ˈhaɪ.əm/, Basa Ibrani: חיים lan digagrag minangka HAIM) iku bèn pop rok Amérikah saka Los Angeles. Bèn iku dumadi adhék bakyu Este, Danielle lan Alana Haim, uga juru drum Dash Hutton. Swara pop bèn iku ing karya studioné slèwah banget yèn dibandhingaké karo swara ngamèné sing luwih ngerok.

Adhék bakyu iku tuwuh ing kulawarga musikal, lan wiwit main piranti musik awit saka cilik ing bèn cover bebarengan karo wong tuwané. Kelompok iki wiwit ngamèn minangka Haim ing taun 2007, nanging ora nimbang karir profésional temenan pirang-pirang taun. Este lulus kanthi gelar ing Ethnomusikologi, déné Danielle dadi juru gitar tur sing suksès karo Jenny Lewis lan pentholan The Strokes, Julian Casablancas, ing tur soloné. Mulakno bèn iku wiwit ngebèn manèh minangka Haim ing taun 2012.

Babaran pratama grup iku, Forever (EP sing dibabar amung kanggo unduhan cumpèn), diamoraké kanthi pangalem positip ing fèstival South by Southwest, miwiti kontrak karo Polydor Records lan kontrak mènèjemen karo grup Roc Nation nggoné Jay Z ing madya 2012. Bèn iku wiwit setatan bekakas sing dianggo ing album pratamané, Days Are Gone, nalika tur, nglimputi pagelaran ing Glastonbury Festival. Album iki manggon ing sepuluh album top ing sawatara nagara, nglimputi rangking siji ing Inggris, lan grup iki kasil menangaké panugrahan "sing paling apik" ing akir 2013. Grup iki dicalonké minangka Artis Anyar Sing Paling Apik ing Panugrahan Grammy Taunan angka 57 lan lagi nyetat album kapindho.

Diskografi

• Days Are Gone (2013)

Uga delengen

• Pratélan panugrahan lan pancalonan sing ditujukaké anggo Haim

Rujukan

Pranala njaba