Halle, Belgia

Halle (Prancis: Hal) iku sawijining kotamadya ing kawasan Flandria ing distrik Halle-Vilvoorde ing Provinsi Brabant Flandria. Kutha iki ana ing Kanal Brussels-Charleroi lan ing sisih Flandria ing wewatesan kawasan basa Flandria lan Wallonia. Sacara géografis, Halle ana ing wewatesan antarané dhataran Flandria ing lor lan dhataran gelombang Brabant ing kidul. Kutha iki uga wewatesan karo Pajottenland ing sisih kulon. Basa resmi kutha iki ya iku basa Walanda.

Aula kutha Halle, Vlaams Brabant, Bèlgi.

Kotamadya Halle kapérang saka kutha Halle lan kutha Buizingen lan Lembeek. Kutha-kutha ing saubengé ya iku: Pepingen, Sint-Pieters-Leeuw, Beersel, Braine-l'Alleud, Braine-le-Château, lan Tubize. Sing ndunungi Halle mundhak kanthi alon-alon, saka 32.758 jiwa nalika taun 1991 dadi 34.882 nalika tanggal 1 Januari 2006. Walikuthané saiki ya iku Marc Snoeck saka sp.a.

Réferènsi

• Clement, Raymond & Decreton, Jan: "Halle: een Bourgondisch feest", Lannoo, Tielt, 1991, 144 pp., ISBN 90-209-2024-3.

Pranala njaba

• (ing basa Walanda) Situs web resmi