Heung-boo: The Revolutionist
Heung -boo: The Revolutionist ya iku filem sajarah saka Koréa Kidul taun 2018. Filem iki disutradarani dening Cho Geun-hyun lan diprodhuseri dening Park Sun-jin lan Choi Yeon-ju. Rilis ana ing tanggal 14 Fèbruari 2018, filem kasebut ngolèhi untung $3.1 yuta. Paraga filem Heung Boo: the Revolutionist ya iku Jung Woo, Kim Joo-hyuk, Jung Jin-young, lan Jung Hae-in. [1] Filem iki ngangkat carita rakyat kang asesirah Hungbu lan Nolbu. Heung-boo lan Nol-boo ya iku kakang adhi kang nduwèni watak kang beda banget, sing siji sugih lan pelit, sing sijine kéré nanging loma.[2]
| Heung-boo: The Revolutionist | |
|---|---|
| Film name | |
| Disutradarani | Cho Geun-hyun |
| Diprodhuseri | Park Sun-jin Choi Yeon-ju |
| Ditulis déning | Baek Mi-kyeong |
| Adhedhasar | Heungbu and Nolbu |
| Dibintangi | Jung Woo Kim Joo-hyuk Jung Jin-young Jung Hae-in |
| Dimusiki | Lee Byung-hoon |
| Sinématografi | Park Jae-in |
| Dibesut déning | Kim Chang-ju |
Perusahaan prodhuksi | Gung Film Production Valentine Film |
| Dibabar déning | Lotte Entertainment |
Tanggal metu | |
Suwéné | 105 menit |
| Nagara | Koréa Kidul |
| Basa | Basa Koréa |
| Kalarisan | $3.1 yuta |
Heung-boo: The Revolutionist nyritakaké babagan Heung-boo, sing seneng nulis dongeng. Sajrone wektu ing jaman Dinasti Joseon Koréa, play utawa sandhiwara dadi hiburan sing nyengsemaké nalika semana lan dadi misuwur banget ing antarané masarakat. Heung-boo, banjur éntuk reputasi ing saindenging negara lan digolèki déning wong-wong kang nduwé tujuan politik sing pèngin nggunakaké jenengé Heung-boo kanggo ancase dhéwé-dhéwé. Nanging unsur konflik nang antarané kelas uga dipengaruhi saka carita ing kauripan nyata. [3][4] Yeon Heung-boo (Jung Woo) minangka panulis novel populer. dhèwèké nulis novel kanggo nggolèki seduluré sing ilang. Yeon Heung-boo banjur nemoni Jo Hyuk (Kim Ju-Hyeok). Jo Hyuk minangka priyayi lan seneng ngrawat wong. Yeon Heung-Boo nemokaké pencerahan saka Jo Hyuk. Sauntara iku, saduluré Jo Hyuk yaiku Jo Hang-ri (Jung Jin-Young). dhèwèké pancèn beda karo Jo Hyuk. dhèwèké bakal nindakake apa waé supaya èntuk kèkuwatan kang linuwih. Yeon Heung-Boo mutusaké nulis crita babagan pasedulurané Jo Hyuk lan Jo Hang-ri. [5]
Carita legenda
besutCarita Hungbu lan Nolbu asalé saka Koréa kang ditulis 300 taun kepungkur. Kaya déné carita kancil Nyolong Timun, carita iki misuwur ing Koréa, saben bocah mesti ngerti caritané Hungbu lan Nolbu. [6] Ana akèh carita Koréa sing dumadi saka narasi kontras paralel sing nuduhaké kepiyé tumindak sing apik diganjar apik lan tumindak ala diukum kanthi ala. Carita Hungbu lan Nolbu minangka conto kisah dongèng Koréa sing paling misuwur babagan sedulur sing luwih enom lan sedulur tuwa sing ala.[7] Versi wiwitan carita kasebut dibabar kanthi versi kodae sosol utawa novéla sing kacaritakaké kanthi tetembangan kang diarani p'ansori. Ing wektu pungkasan Perang Koréa taun 1950-an, dongèng iki dadi salah sawijining carita Koréa sing paling misuwur. Carita iki uga dadi carita kang ditampilaké ing drama panggung lan tèlèvisi. [8]
Aleran
besutHeung-boo urip kanthi kepenak karo asisten setyané, Sun-chool (Chun Woo-hee). Nganti sawijining dina, ana kanca lawas sing nggawa berita babagan seduluré, Nolbu (Jin Goo), sing wis suwé dipisah. Heung-boo lan Nolbu dadi sedulur sing dipisahaké dening kekejeman perang. Nolbu, saiki dadi pejuang pemberontak sing manggon ing gunung lan duwé pimpinan sing jenengé Jo Hyuk. Heung-boo banjur ketemu karo Jo Hyuk (Kim Ju-hyeok). Jo Hyuk sejatiné priyayi, nanging dhèwèké sengit marang panguwasa. dhèwèké nduwé sedulur sing rakus, Hang-ri. dhèwèké urip kanthi gampang, ngèwangi wong-wong kang miskin. Patemonan antarané Heung-boo karo Jo Hyuk alon-alon menehi pencerahan marang Heung-boo sing wis urip penak. Kajaba iku, Jo Hyuk banjur njaluk Heung-boo supaya berjuwang karo tulisané.
Heung-boo banjur diilhami kanggo nyiptakaké crita Jo Hyuk lan Hang-ri nggunakaké karakter "Heung-boo & Nolbu". Carita kasebut nyebabaké Hang-ri lan uga panguwasa pada nesu. Ing sisih liya, ing kerajaan dhéwé ana perjuwangan kekuwatan rahasia ing antarané para pejabat. Yeon Heung-Boo ngrampungaké carita paseduluran kasebut lan dadi carita kang suksès. Carita kasebut misuwur lan sumebar ing saindenging Joseon. Nanging, Jo Hang-Ri njupuk kauntungan saka kahanan kasebut kanggo ngentukaké kekuwatan mutlak ing Joseon. [9][10]
Ing wektu sing padha, ana akèh pejabat pengadilan sing péngin nggunakaké Heung Boo. dhèwèké njaluk supaya nulis buku sing ngemot babagan apus-apus menyang Raja Heonjong kanggo ngrebut tahta. Heung Boo nampa tawaran kasebut lan nulis pirang-pirang informasi palsu kanthi bayaran sing gedhé. Raja Heonjong njaluk bantuan menyang masyarakat kanggo nemokaké pejabat sing nyebar informasi iki. Heung Boo ora bisa tetep meneng lan ngomongaké jeneng pejabat sing ngutus dhèwèké. [11]
Paraga
besutJung Woo minangka Heung-boo
Kim Joo-hyuk minangka Jo-hyuk
Jung Jin-young minangka Jo Hang-ri
Jung Hae-in minangka King Heonjong
Kim Won-hae minangka Kim Eung-jib
Jung Sang-hoon minangka Kim Sat-gat
Kwak Dong-yeon minangka Sheddong
Song Wook-kyung minangka Jo Tak-soo
Oh Tae-kyung minangka Kim Doo-nam
Nam Il-woo minangka Prime minister
Kim Hak-ryong minangka Jo Hak-ryong
Kim Wan-sun minangka Queen Dowager
Lee Hyun-woong minangka Kim Hyeon-ong
Lim Yoon-ho minangka Jeong Yong-pil
Jin Goo minangka Nolbu
Chun Woo-hee minangka Seon-chool
Kang Ha-neul minangka Park Dol-po
Prodhuksi
besutHeung-boo:The Revolutionist digawé wiwit tanggal 11 Mèi 2017 lan rampung tanggal 18 Agustus 2017 sawisé telung sasi syuting. Filem kasebut dibabar dening Lotte Entertainment. Sawisé suksès ing drama "New Trial" taun iki, aktor Jung Woo mainké peran utama sabanjuré ing drama Heung-boo. dhèwèké bakal main peran karo Kim Joo-hyuk lan bakal disutradarani dening Cho Geun-hyun. Jung uga main peran karo Jung Jin-young lan Chun Woo-hee. Sadurungé "New Trial", Jung gabung karo Hwang Jung-min ing drama pemrèntahan skanthi irah-irahan "The Himalaya", sing nggayuh mèh wolung yuta pamirsa ing pungkasan taun 2015. [12][13]
Panampa
besutHeung-boo: The Revolutionist nampa kritik positif saka penonton. Ana ing pamuteran kepisan filem (premiere) kasebut ing 12 Fèbruari 2018, para pemain padha melu anggoné ndelok pamuteran filem. Ing Koréa Kidul, filem kasebut dirilis tanggal 14 Fèbruari 2018. Ana ing pungkasan minggu kepisan pamuteran filem ing Box Office Koréa, filem kasebut ngentuki rating 4 lan laris kanthi 211.590 tikèt kedol. Heung-boo: The Revolutionist nggayuh untung $2.51 yuta sajroné limang dina pisanan wiwit filem iki dirilis ing Box Office. Ana ing pungkasan wulan Fèbruari, Heung-boo: The Revolutionist ditonton dening 410.000 pamirsa.[14][15][16][17]
Rujukan
besut- ↑ Heung-bu, dibukak ing 2019-12-27
- ↑ "Heung-Boo: The Revolutionist - AsianWiki". asianwiki.com. Dibukak ing 2019-12-27.
- ↑ Heung-boo: The Revolutionist (2018) (ing basa Inggris), dibukak ing 2019-12-27
- ↑ Heung-bu, dibukak ing 2019-12-27
- ↑ "Heung-Boo: The Revolutionist - AsianWiki". asianwiki.com. Dibukak ing 2019-12-27.
- ↑ "Thursday's Tale: Heungbu and Nolbu". Carol's Notebook (ing basa Inggris Amérika Sarékat). 2012-04-12. Dibukak ing 2019-12-29.
- ↑ Grayson, James Huntley (2002-04-01). "The Hungbu and Nolbu tale type: a Korean double contrastive narrative structure. (Research Article)". Folklore . Dibukak ing 2019-12-29.
- ↑ "Hungbu and Nolbu the story of two brothers a Korean folktale - Patrick and Cindy Kirkbride". www.tparents.org. Dibukak ing 2019-12-29.
- ↑ Heung-bu, dibukak ing 2019-12-27
- ↑ "[HanCinema's Film Review] "Heung-boo: The Revolutionist" @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2019-12-27.
- ↑ "[HanCinema's Film Review] "Heung-boo: The Revolutionist" @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2019-12-27.
- ↑ "JUNG Woo and KIM Joo-hyuk Wrap 3 Months of Filming for HEUNG-BU". Korean Film Biz Zone (ing basa Inggris). Dibukak ing 2019-12-29.
- ↑ "JUNG Woo and KIM Joo-hyuk Team Up on HEUNG-BU". Korean Film Biz Zone (ing basa Inggris). Dibukak ing 2019-12-29.
- ↑ Kil, Sonia; Kil, Sonia (2018-02-19). "Korea Box Office: 'Black Panther' Rules Holiday Weekend". Variety (ing basa Inggris). Dibukak ing 2019-12-29.
- ↑ "Late Kim Joo Hyuk's final film 'Heung Bu' announces premiere date". allkpop. Dibukak ing 2019-12-29.
- ↑ "Jung Woo cast in another lead role". Korea JoongAng Daily (ing basa Korea). Dibukak ing 2019-12-29.
- ↑ "Heung-Boo: The Revolutionist - AsianWiki". asianwiki.com. Dibukak ing 2019-12-29.