Hospital Playlist
Hospital Playlist (Hangeul: 슬기로운 의사생활; RR: 'Seulgiroun Euisasaenghal'; lit. Wise Doctor Life) ya iku séri tivi utawa drama séri saka Koréa Kidul taun 2020 kang diprodhuksi déning stasiun tivi tvN lan disiaraké mulai sasi Maret-Méi 2020. Séri tivi iki diprodhuksi déning penulis lan sutradhara saka séri Reply, kaya ta séri tivi Reply 1988, ya iku ditulis déning Lee Woo-jung lan disutradharai déning Shin Won-ho. Dalan crita kang ana ing Hospital Playlist nyaritakaké kadadéyan operasi lan babagan médis kaya ing kauripan nyata amarga kabèh piranti kang digunakaké kanggo séri tivi iki kaya piranti rumah sakit kang ana ing kauripan nyata. Organ-organ kang ana ing njero awak manungsa uga dituduhaké ing séri tivi iki.[1]
| Hospital Playlist | |
|---|---|
| Jeneng liya | Wise Doctor Life A Wise Doctor's Life Smart Doctor Living |
| Hangul | 슬기로운 의사생활 |
| Genre | |
| Digawé déning | Lee Myung-han |
| Ditulis déning | Lee Woo-jung |
| Produser | Shin Won-ho |
| Diparagakaké | |
| Negara asal | Korea Selatan |
| Basa asli | Korea |
| Gunggung mangsa | 1 |
| Gunggung episode | 12 |
| Prodhuksi | |
| Panata kaméra | Single-camera |
| Suwéné acara | 72–113 menit |
| Prodhuksi |
|
| Distributor | tvN lan Netflix |
| Pambabaran | |
| Saluran tivi | tvN |
| Format gambar | HDTV 1080i |
| Lakuné acara | 12 Maret 2020 – Mèi 28, 2020 |
| Pranala jaba | |
| Website | |
Ringkesan besut
Hospital Playlist nyaritakaké babagan kauripan para dokter kang wis kekancan kawit kuliyah ing fakultas kedokteran taun 1999. Dokter-dokter kuwi mau ketemu kapisan ing gudhang sempit nalika dhèwèké kabèh metu meneng-meneng saka acara kampus amarga dhèwèké padha ngrasa bosen yèn mèlu acara kuwi mau. Saka ketemu kang ora disengaja ing gudhang kuwi mau, dhèwèké dadi kekancan cedhak tekan tuwa. Ing séri tivi, dicritakaké para dokter kuwi mau umuré wis 40 taun. Kauripan lima dokter ing Hospital Playlist dicritakaké ana kang wis duwé anak, pegat karo bojoné, lan ana uga kang durung duwé bojo. Hospital Playlist nyaritakaké kauripan dokter ing omah sakit kaya ing kauripan nyata, ya iku ngurusi wong-wong lara, bisa dolan yèn ana wektu, lan kauripan asmara uga dicritakaké ing séri tivi iki.[2]
Lima dokter kang wis kekancan cedhak kuwi mau duwé spésialisasi penyakit béda-béda. Chae Song-hwa minangka siji-sijiné wong wadon ing grup kuwi dadi dokter spésialis saraf. Ing drama, dhèwèké dicritakaké dadi wong kang seneng kémah saben minggu lan lila yèn acara kémahé ora sida amarga ana pasièn kang kudu dioperasi utawa dipriksa. Lee Ik-jun dicritakaké minangka dokter bedah umum lan kalebu siji-sijiné wong ing grup kang wis duwé anak dicritakaké pegatan karo bojoné kang wis suwé ora ketemu amarga bojoné nyambut gawé ing nagara liya. Lee Ik-jun dicritakaké duwé anak jenenge U-ju lan adiné kang dadi tentara wadon jenengé Lee Ik-sun. Yang Seok-hyung dicritakaké dadi dokter spésialis ginekologi. Ing Hospital Playlist, Yang Seok-hyung dicritakaké dadi wong kang wis pegat karo bojoné lan seneng déwé. Seok-hyung dadi pewaris tunggal perusahaan kang diwariské déning bapaké kang wis séda. Nanging, dhèwèké ora gelem lan tetep milih nerusaké pagawéyan dadi dokter. Kim Jun-wan dicritakaké minangka dokter spésialis torakoplastik kang galak marang para asistèné. Ing séri tivi, Kim Jun-wan pacaran karo adiné Lee Ik-jun, ya iku Lee Ik-sun lan ing episode kéri dhèwèké kepisah karo Ik-sun amarga Ik-sun sekolah ing Inggris.[3] Saliyané kuwi, uga ana Ahn Jeong-won kang dicritakaké dadi dokter spésialis bedah anak lan konglomerat amarga dadi anak Prèsidhèn Dirèktur Yulje Medical Center. Ing drama, Ahn Jeong-won duwé jejuluk dadi "Malaikat Penolong" amarga dhèwèké seneng ngéwangi para pasièn kang ora duwé dana kanggo bayar rumah sakit lan operasi.[2]
Paraga besut
Paraga utama besut
Paraga utama ing Hospital Playlist, ya iku lima dokter kang wis kekancan wiwit ing sekolah kedokteran 20 taun kepungkur (taun 1999).[2]
- Jo Jung-suk minangka Lee Ik-jun
- Yoo Yeon-seok minangka Ahn Jeong-won
- Jung Kyung-ho minangka Kim Jun-wan[4]
- Kim Dae-myung minangka Yang Seok-hyung
- Jeon Mi-do minangka Chae Song-hwa
Paraga pambiyantu besut
Paraga pambiyantu ing Hospital Playlist diparagakaké déning para wong-wong kang ana ing cedhaké para paraga utama.[5]
Kulawarga paraga utama besut
- Kim Hae-sook minangka Jung Ro-sa, ibuké Ahn Jeong-won
- Kim Jun minangka U-ju, anaké Lee Ik-jun
- Kwak Sun-young minangka Lee Ik-sun
- Kim Kap-soo minangka Joo Jong-soo, Prèsidhèn Yulje Medical Center
- Moon Hee-kyung minangka ibuké Yang Seok-hyung
Dokter besut
Aktor lan aktris kang maragakaké dadi dokter ing Hospital Playlist, ya iku[5]
- Ahn Eun-jin minangka Chu Min-ha, dokter résidhèn ing ginekologi[6]
- Kim Jun-han minangka Ahn Chi-hong, dokter résidhèn ing bedah saraf
- Jung Moon-sung minangka Do Jae-hak, dokter résidhèn ing bedah torakoplastik
- Shin Hyun-bin minangka Jang Gyeo-ul, dokter résidhèn ing bedah umum
- Shin Do-hyun minangka Bae Joon-hee, dokter IGD
- Kim Hye-in minangka Myung Eun-won, dokter résidhèn ing ginekologi[7]
- Jo Yi-hyun minangka Jang Yoon-bok, mahasiswa kedokteran[8]
Rating besut
| Ep. | Tanggal siar kapisan | Rating rata-rata | ||
|---|---|---|---|---|
| AGB Nielsen[9] | TNmS[10] | |||
| Nasional | Seoul | Nasional | ||
| 1 | 12 Maret 2020 | 6,325% | 7,113% | 6,5% |
| 2 | 19 Maret 2020 | 7,750% | 8,507% | 8,4% |
| 3 | 26 Maret 2020 | 8,556% | 9,313% | 9,5% |
| 4 | 2 April 2020 | 9,754% | 10,932% | 9,9% |
| 5 | 9 April 2020 | 11,321% | 12,655% | 10,5% |
| 6 | 16 April 2020 | 11,682% | 13,783% | 11,8% |
| 7 | 23 April 2020 | 12,077% | 13,864% | N/A |
| 8 | 30 April 2020 | 12,008% | 13,489% | |
| 9 | 7 Mei 2020 | 12,134% | 14,479% | |
| 10 | 14 Mei 2020 | 12,701% | 15,729% | 12,2% |
| 11 | 21 Mei 2020 | 13,125% | 15,662% | 11,8% |
| 12 | 28 Mei 2020 | 14,142% | 16,711% | |
| Rata-rata | 10,964% | 12,686% | % | |
Nalika disiaraké ing episode 12, Hospital Playlist oleh rating paling dhuwur kang keitung saka tanggal kapisan main ing tivi.[11]
Rujukan besut
- ↑ "From Kim Eun-sook to Noh Hee-kyeong, Star Writers Are Making a Comeback @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2020-06-07.
- ↑ a b c "Sinopsis Hospital Playlist, Persahabatan Lima Orang Dokter". hiburan (ing basa Indonesia). Dibukak ing 2020-06-08.
- ↑ "Sinopsis Hospital Playlist Episode 11". kumparan (ing basa Indonesia). Dibukak ing 2020-06-08.
- ↑ Media, Kompas Cyber. "Profil Jung Kyung Ho, Pemeran Kim Joon Wan dalam Drama Hospital Playlist". KOMPAS.com (ing basa Indonesia). Dibukak ing 2020-06-09.
- ↑ a b "Drakor Hospital Playlist: Sinopsis, Profil Pemain & Jadwal Tayang". tirto.id (ing basa Indonesia). Dibukak ing 2020-06-09.
- ↑ "Ahn Eun-jin to Star in "Hospital Playlist" @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2020-06-09.
- ↑ "Kim Hye-in to Star in "Hospital Playlist" @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2020-06-09.
- ↑ "Jo Yi-hyun in "Hospital Playlist" and "How to Buy a Friend" @ HanCinema :: The Korean Movie and Drama Database". www.hancinema.net (ing basa Inggris). Dibukak ing 2020-06-09.
- ↑ "Nielsen Korea". AGB Nielsen Media Research (ing basa Korea). Dibukak ing 2020-03-12.
- ↑ TNmS ratings:
- "Ep. 1". IDJ News (ing basa Korea). 13 Maret 2020.
- "Ep. 2". IDJ News (ing basa Korea). 20 Maret 2020.
- "Ep. 3". SP News (ing basa Korea). 27 Maret 2020.
- "Ep. 4". Veritas Alpha (ing basa Korea). 3 April 2020.
- "Ep. 5". Veritas Alpha (ing basa Korea). 10 April 2020.
- "Ep. 6". Veritas Alpha (ing basa Korea). 17 April 2020.
- ↑ ""Hospital Playlist" PD Praises Main Cast, Explains Confusion Behind Jo Jung Suk And Jeon Mi Do's Love Line, And More". Soompi (ing basa Inggris). Dibukak ing 2020-06-09.