Howard Hathaway Aiken
Howard Hathaway Aiken ya iku kang ngréka komputer kang wiwitan.[1] Howard Hathaway Aiken lair ing New Jersey, 9 Maret 1990.[1] Dhèwèké kuliyah ana ing University of Wisconsinlan lan éntuk delar dhoktor ing Universitas Harvard.[1] Nalika dadi instruktur ing Departemen Fisika Harvard, Aiken angen-angen gawé sawijining komputer utawa mesin itung.[1] Sajatiné, nalika iku wis ana mesin itung gawéane Hollerith, nanging mesin iku durung bisa ngrampungaké itung-itungan kang ngandhut wilangan négatif.[1]
Taun 1937, Aiken mumpuni tulisan-tulisan Charles Babbage, sawijining ilmuwan gedhé kang sadurungé nemu mesin itung digital kang dadi piranti kang paling misuwur ing ngremabakane komputer.[2] Kanthi tulungan IBM, Aiken kasil anggoné gawé komputer kang wiwitan kanthi aran Automatic Sequence Controlled Calculator (ASCC). Komputer gawéane Aiken dhuwure 2,4 mèter, dhawane 15,3 mèter, lan boboté 35 ton.[2] Ing jerone ana kabel kang dhawane 800 kilomèter lan 3 yuta saklar.[2] Komputere Aiken bisa ngrampungaké soal cacah 23 kang ana gegayutane wilangan.[2] Kanggo ngrampungaek soal tambah-tambahan butuhake wektu 6 detik lan soal para gapit butuhake wektu 12 detik.[2] Aiken banjur nyempurnakake ASCC ing Universitas Harvard.[2] Ing kono, jenenge diganti dadi Harvard Mark I.[2] Komputer Harvard I iki dirampungake Aiken kanthi bebarengan karo telung insinyur liyané ya iku Durfee, Hamilton, lan Lake.[2] Aiken tinggal donya ing Missouri, Amérikah Sarékat, tanggal 14 Maret 1973.[2]