Ibu Ruswa

Ibu Ruswa utawi Nyi Kusnah (nami jangkepipun) inggih menika tokoh wanita ingkang dados Koordinator umum nalika perang kamardikan mungsuh walanda ing tlatah Ngayogyakarta.

Mangsa Alit dumugi Krama

Nyi Kusnah miyos ing Ngayogyakarta rikala tanggal 29 Bakda Mulud warsa 1835 (Jawi) utawi warsa 1905 kanthi asma Kusnah. Panjenenganipun miwiti ngangsu kawruh wonten ing sekolah rakyat. Wiwit alit, piyambakipun sampun dipunwulang maneka warna kawruh Jawa. Tiyang sepuhipun Nyi Kusnah sedaya ugi tiyang Jawi, ananging tiyang sepuhipun namung marengaken Nyi Kusnah ngangsu kawruh dumugi Sekolah Rendah kemawon. Nalika sampun dungkap wanci dhiwasa, Nyi Kusnah krama kaliyan pegawai Kantor Pos Ngayogyakarta ingkang sregep anggenipun nyambut damel. Pegawai kantor pos menika asmanipun Pak Ruswo, pramila sasampunipun kekalihipun palakrami banjur Nyi Kusnah asmanipun malih dados Nyi Kusnah Ruswo Prawiroseno. Sasampunipun palakrami, Pak Ruswo kaliyan Ibu Ruswo wiwit aktif ing perjuangan bangsa Indonesia.