Imagawayaki
Imagawayaki (今川焼き?) inggih punika satunggaling dhaharan awujud kué Jepang mawi isi selai kacang abrit.[1] Adonan saking dhaharan punika encer, lan dipundamel saking campuran glepung terigu, tigan, gula, lan toya. Imagawayaki punika dipunpanggang wonten ing loyang tembaga ingkang wonten bolongan bunder-bunder. Nalika dhaharan punika sampun badhe mateng, selai kacang abrit dipunparingaken wonten ing salah satunggaling sisih. Menawi sampun lajeng kekalih sisihipun kué lajeng dipundadosaken setunggal nalika kué punika tasih ing saknginggilipun geni. Dhaharan punika gadhah nama ingkang manéka warni wonten ing sapérangan wewengkon ing Jepang.
Sajarah
besutNamanipun kué punika asalipun saking papan nalika kué punika dipundamel. Imagawayaki kaping setunggal dipunsadé ing toko kué ingkang mapan wonten ing Kreteg Imagawa, wewengkon Kanda wonten ing Edo kirang langkung nalika taun 1772-1780 (tengahaning jaman Edo).[2] Kué punika laris sanget dumugi mèrèk dagangipun imagawayaki (imagawa panggang) éwah dados nama generik. Saksampunipun nyebar wonten ing wewengkon-wewengkon Jepang, lajeng kué punika boten dipunsebut imagawayaki, nanging asring éwah gumantung kaliyan papan utawi toko ingkang nyadé. Wonten ing wewengkon Kansai, dhaharan punika dipunsebut kaliyan obanyaki (大判焼き?), nijuyaki (二重焼き?), kaitenyaki (回転焼き?), utawi minangka kaitenmanju (回転饅頭?) wonten ing Osaka lan Sakai. Wonten ing Hokkaido, Aomori, lan Hirosaki, kué punika ugi sinebat oyaki (おやき?).
Ugi pirsani
besutRujukan
besut- ↑ "Imagawayaki 今川焼き (Obanyaki 大判焼き) • Just One Cookbook". Just One Cookbook (ing basa Inggris Amérika Sarékat). 2017-08-23. Dibukak ing 2017-11-27.
- ↑ Motoyama, Tekishū (1958). 飲食事典 (Inshoku Jiten). Heibonsha. kc. 40.
{{cite book}}:|access-date=requires|url=(pitulung)
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |